Ferizaj

Shkronja E në shesh, në përkrahje të viktimave të dhunës seksuale

Published

7 years ago

23 April, 2019

Dhjetëra gra ishin mbledhur sot në objektin e Komunës së Ferizajt, për të përkrahur projektin #forheroines”, i cili u dedikohet 20.000 grave që ishin viktima të dhunës seksuale gjatë luftës së fundit në Kosovë. Kjo iniciativë e Batalionit të Atlantikut ka për qëllim të bëjë thirrje që drejtësia për këto viktima të vihet në vend.
Kryesuesja e Kuvendit Komunal të Ferizajt, Kristina Gashi-Bytyqi, e ka quajtur si iniciativë të qëlluar, duke thënë se është momenti i fundit që t’u jepet mbështetja e duhur, tani kur ato janë duke zhvilluar betejën për të drejtat e tyre.

“Gjatë luftës së fundit jo vetëm që humbën jetën shumë qytetarë të pafajshëm por edhe më keq, u dhunuan shumë gra duke lënë pas një luftë të papërfunduar me vite. Gjatë luftës në Kosovë dhuna seksuale është përdorur si një instrument terrori. Përdhunimi ishte përdorur me qëllim të shaktërrimit të familjeve, por kjo nuk i bëri ato gra të dorëzohen asnjëherë, ne dëshmuam se jemi të fortë dhe mbështesim njëri tjetrin” , – tha kryesuesja Gashi-Bytyqi.

Artiola Kajtazi, përfaqësuese e organizatës “Nisja, Zhvillohu” që është pjesë e këtij projekti, tha se gjatë luftës së fundit afro 20.000 gra ishin viktima të dhunës seksuale, dhe se bota duhet ta dijë që Kosova nuk i ka harrur viktimat e veta të luftës.

“Lufta e fundit përmban dhimbje dhe vuajtje. 20.000 gra u dhunuan nga kjo lufte, 20 vite me vonë akoma nuk është vënë drejtësia, shumë nga to kërkojnë drejtësi, ndërsa disa nga to kanë zgjedhur të heshtin, pasi nuk kane edhe perkrahje institucionale.

Inciativa #forheroines, ka qëllim që të përcjellë mesazhin nëpër botë se Kosova nuk i ka harruar këto viktima”,- tha Kajtazi.
Pjesë kryesore e këtij projekti është aktiviteti i shpërndarjes së shtatë karaktereve “# F O R H E R” në qytetet kryesore të Kosovës, dhe në ato karaktere në shenjë solidarizimi me gratë e prekura nga kjo dukuri do të vendosen vathë. Në qytetin e Ferizajt nesër do të vendoset shkronja E, e cila do të qëndrojë në sheshin kryesor për 6 ditë me radhë.

Ferizaj

Në Ferizaj raportohen katër bankënota të dyshuara nga 500 €

Published

11 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

12 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.