Ferizaj

Enver Topalli shpallet Hero i Kosovës

Published

7 years ago

20 May, 2019

Presidenti i Kosovës Hashim Thaçi ka dekoruar veprimtarin Enver Topalli me urdhrin Hero i Kosovës.
Në Akademinë përkujtimore në njëzet vjetorin e rënies së tij, Presidenti Thaçi ka thënë se heroin Enver Topallin e kanë frymëzuar dy personalitete shumë të rëndësishme, veprimtari i çështjes kombëtare Adem Demaçi dhe Rexhep Mala, i burgosur politik.

“Si shumë veprimtarë të asaj kohe edhe Enver Topalli frymëzohej nga lëvizjet e fshehta të atdhetarëve që kishin vepruar edhe më herët. Zhvillimet politike kërkonin krijimin e një force të përbashkët dhe shkrirjen në një lëvizje të përbashkët. Enver Topallit me kohë ishte i vetëdijshëm për nevojën e bashkimit të të gjithëve për këtë lëvizje, për këtë arsye ai qëndron në botën e jashtme për të forcuar grupet e tilla atdhetare. ” – tha Presidenti Thaçi.

Sipas Thaçit, burgosjet e njëpasnjëshme nuk e kishin luhatur vendosmërinë e Enver Topallit për të vazhduar edhe më shumë veprimtarinë atdhetare në kuadër të Këshillit për mbrojtjen e të Drejtave të Njeriut gjatë viteve të nëntëdhjeta.

“Enver Topalli arrestohet disa herë edhe gjatë viteve 90 për tu burgosur në ’98, kur në Kosovë filloi luftë e hapur. Fatkeqësisht, më 19 maj 99 vritet në burgun e Dubravës. Krimi në burgun e Dubravës është ndër krimet më të rënda nga serbët. Kemi parë këto ditë si po trajtohen krimet serbe, por askush edhe pas njëzet vitesh, ekzekutorët e krimeve nuk dolën para drejtësisë, prandaj me të drejtë kuvendi nxori rezolutën që dënon gjenocidin në Kosovë. Kjo ishte përgjigja më e mirë e institucioneve të Kosovës për pretenduesit e mohuesve të krimit dhe kryesit e krimeve që kanë kryer në Kosovë”- deklaroi me këtë rast presidenti i vendit.

Edlir Topalli, djali i veprimtarit Enver Topallit tha se emri i babait të tij tani është i lartë si hero i Kosovës.
Emrin e atdhetarit dhe veprimtarit të çështjes kombëtare Enver Topalli, e mbanë një rrugë në Ferizaj dhe shkolla fillore në fshatin Greme.

Ferizaj

Në Ferizaj raportohen katër bankënota të dyshuara nga 500 €

Published

7 days ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

7 days ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

2 weeks ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.