Ferizaj

Edhe në Ferizaj nis nënshkrimi i peticionit kundër hidrocentraleve

Published

6 years ago

30 October, 2019

Me moton “Uji në gypa-milionat në xhepa”, një grup i organizatave joqeveritare në Kosovë, kanë ndërmarrë një iniciativë për nënshkrimin e një peticioni qytetar në mbrojtje të ambientit në Kosovë në kohën kur në disa lumenj parashihet ndërtimi i hidrocentraleve.

Kështu, edhe në qytetin e Ferizajt ka nisur nënshkrimi i këtij peticioni, përmes së cilit do të kërkohet që të ndalohet degradimi i ambientit. Shpend Mustafa nga organizata INPO, tha se pasi të mbledhen nënshkrimet, këtë peticion do t’ia dërgojnë qeverisë dhe të gjithave insitutcioneve që janë përgjegjëse për këtë çështje.

“Kemi filluar me një peticion i cili është për të ndaluar degradimin e mëtutjeshëm të ambientit nga ndërtimi i hidrocentraleve të cilat po dëmtojnë ambientin dhe janë pa ndonjë dokument ligjor. Këto janë duke dëmtuar tej mase faunën tonë, parqet tona dhe janë duke punuar pa standarde“, tha Mustafa.

Ndërsa, qytetarët e interesuar të nënshkruanin këtë peticion, thanë se përmes nënshkrimeve të tyre tentojnë të ndalojnë degradimin e resurseve ujore në Kosovë.

“Është mungesë e ujit, e kanë degraduar vendet prandaj edhe nënshkrujta, është mirë me ngrit zërin për me u ndalu këto”, tha Bajram Salihu.

“Duhet të ketë ndryshime që mos të jepen pa leje, duhet të analizohen që mos të kenë pasoja afatgjate, e para është ambienti, popullsia, pastaj tjerat“, tha një tjetër qytetar.

Stenda për nënshkrimin e këtij peticioni në Ferizaj do të qëndroj 1 muaj.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim