Ferizaj

Ferizaj me marsh protestues kundër përdorimit të narkotikëve

Published

6 years ago

04 November, 2019

Qendra këshilluese “Këshillimi” në Ferizaj, në ditën e dytë të aktiviteteve në kuadër të “Nëntori – muaji i vetëdijësimit kundër substancave narkotike”, ka organizuar marsh kundër kësaj dukurie shqetësuese në qytetin e Ferizajt. Drejtoresha e kësaj qendre, Arjeta Musliu, thotë se kjo dukuri mund të zhduket vetëm nëse ka përkrahje.

“Duke e parë që të rinjtë tanë dita ditës po vijnë tek shkatërrimi, që është për keqardhje për të thënë se është gjendje alarmante, ku e kemi parë të nevojshme që muaji nëntor të quhet muaji i vetëdijësimit kundër substancave narkotike. Këtë e potencoj se që nga data 1 nëntor kemi filluar me një konferencë ku kemi ftuar të gjithë ata relevant që duhet të jetë bashkëpunimi mëse i nevojshëm për të ulur numrin e përdoruesve, për të vetëdijësu, për të përkrah, fatkeqësisht numri i shumë të ftuarëve nuk n’a janë përgjigjur, arsyet i dinë ata. Datën 4 e kemi parë sot si marsh ku na janë bashkëngjitur të rinjtë e mrekullueshëm të cilët i falënderoj jashtë mase”, theksoi Arjeta Musliu.

Pjesëmarrësit e këtij marshi iu bënë thirrje qytetarëve dhe institucioneve përkatëse të angazhohen sa më shumë rreth kësaj çështje.

“Unë kam një thirrje për policinë, shtetin dhe të gjitha institucionet dhe task forcën e cila është krijuar në Prishtinë që së paku dy të jenë në ambientin e shkollës për arsye sigurie dhe këtë duhet ta bëjnë patjetër, por përgjegjësinë më të madhe e kanë prindërit, 90% e kanë prindërit, po nisem nga vetja, sepse unë do të kem kujdes për fëmijun tim, por në ambientin e shkollës e ka për detyrë drejtoria e shkollës dhe instuticionet”, u shpreh Labinot Tahiri.

“Jam këtu si një qytetar, jam këtu si një prind dhe që të përkrah jo vetëm këtë marsh, por të përkrah edhe çdo iniciativë që të parandalojmë sa më shumë këto dukuri që janë tmerrësisht tashmë shqetësuese për vendin dhe për rininë tonë. Është njëra nga aktivitetet që duhet të sforcohet nga të gjithë ne si pjesë e kësaj shoqërie, sepse po flasim për të ardhmen e fëmijëve tanë”, theksoi Gazmend Bytyqi.

Ndërsa, disa nga nxënësit që marshuan bën thirrje për një jetë pa droga.

“Qendra “Këshillimi” ka shumë të mira që një përdorues ta ketë më të lehtë. Kemi dalë sot këtu që ta dinë të rinjtë tanë se ku të mbështeten, të kenë një jetë më të mirë, të shëndosh, pa droga”, tha Marigona Osmani.

Nga nesër me përkrahjen e Drejtorisë së Arsimit, Qendra “Këshillimi” do të mbajë ligjërata në shkollat e komunës së Ferizajt për edukimin rreth substancave narkotike.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

3 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.