Ferizaj

Diskutohet për bashkëpunimin e këshillave të fshatrave me komunën

Published

6 years ago

13 November, 2019

Misioni i OSBE-së në Kosovë, ka organizuar sot një takim me përfaqësuesit e fshatrave të Ferizajt, ku u diskutua për funksionimin e këshillave të fshatrave dhe bashkëpunimin që duhet të kenë ata me ekzekutivin.

Në këtë takim, përfaqësuesit e fshatrave u ndalën tek problemet me të cilat ballafaqohen lokalitetet e tyre, siç janë mungesa e furnizimit me ujë, problemet me kanalizim, deponitë ilegale, dëmtimi i pyjeve, e të tjera. Atyre iu përgjigj nënkryetari i komunës së Ferizajt, Naim Ferati.

“Kuvendi Komunal i Ferizajt nuk e di a është duke fjetur a nuk janë duke parë asgjë, sa i përket punës së ujit shumë shpejt do të na gjejë i njëjti fat sikurse i Gjilanit. Për 2-3 matrapazë të cilët shfrytëzojnë rastin pasurohen në këtë aspekt, bëjnë dëmtimin e pyjeve aq shumë në mënyrë të vrazhdë që nesër do të kemi edhe mungesë të ujit”, tha Faik Shatrolli, kryetar i fshatit Pleshinë.

“Bashkëpunimi në mes institucioneve jo vetëm me qeverinë lokale, por edhe me policinë, gjykatën duhet me qenë bashkëpunimi më i ngushtë në mes Këshillit të Fshatrave dhe këtyre institucioneve. Duhet ta heqim logjikën që mos me lajmëru veprën, sot është patriotizëm me tregu për ata që dëmtojnë pyjet e rrugët. Sa i përket ujit, jo vetëm dëmtimi i pyjeve që rrezikon, por shekulli 21 jo vetëm në Kosovë, por në të gjithë globin është shekulli i luftës për sigurim të ujit të pijes“, tha Naim Ferati.

“Ne si Këshill kemi marrë një vendim që pjesa ku e kemi pas destinuar për varreza të bëhet park shtetëror, e kemi bërë një kërkesë, por komuna ka kërkuar që ta bëjmë një projekt, ne nuk kemi mjete financiare me bë projekt. Pyetja ime është, a na mbështet komuna për këtë se ne nuk kemi mjete financiare?”, u shpreh Faruk Beqiri, kryetar i Fshatit të Vjetër.

“Komuna nuk besoj që është aq naive me kërku projekt detal nga ju, por projekt ideor që mund të bëhet me tri faqe dhe kështu mund të shihet mundësia edhe përmes donatorëve që investojnë në aspekti ekologjik, por edhe gjatë hartimit të buxhetit për vitin e ardhshëm nëpërmjet diskutimeve publike“, u përgjigj Ferati.

“Në Zaskok kemi probleme të shumta, ka lagje që e kanë rrugën e pakalueshme, po ashtu është kanalizimi por nuk funksionon dhe është mëkat të jetosh aty“, tha përfaqësuesi i fshatit Zaskok.

Për mënyrën ligjore të adresimit të këtyre problemeve, përfaqësuesit e fshatrave morën udhëzime nga zyrtarë të misionit të OSBE-së dhe nga ata të rrjetit të organizatave joqeveritare AVONET.

“Nëse ju identifikoni një problem mekanzimi numër një është që të funksionoj këshilli mirë dhe të mbahet një procesverbal dhe adresimi i problemeve të jetë nëpërmjet kërkesave zyrtare që të dorëzohen në zyrën e pranimit”, tha Kenan Gashi nga AVONET.

“Në vazhdim e sipër jemi duke diskutuar me zyrën e kryetarit që të caktohet një pikë referuese ku përfaqësuesit e fshatarve ta kenë një pikë referuese për problemet që i paraqesin, përveç Drejtorisë së Administratës“, tha Afrim Nesreti nga OSBE.

Në këtë takim, zyrtarë të OSBE-së prezantuan edhe një hulumtim sa i përket bashkëpunimit në mes të komunës dhe këshillave të fshatrave, ku bazuar në këtë hulumtim, u tha se komuna e Ferizajt qëndron mirë sa i përket komunikimit me përfaqësuesit e fshatrave, por jo edhe me financimin dhe mënyrën e organizimit të zgjedhjeve për kryetarë të fshatrave.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

4 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

5 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

1 week ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.