Ferizaj

Nxënësit e shkollës ”Çesk Zadeja” zënë vendet e para në Maqedoni

Published

6 years ago

14 November, 2019

Orges Isufi dhe Eleonida Elezi, nxënës të shkollës së arteve ”Çesk Zadeja” në Ferizaj kanë zënë vendin e parë në garat ”Artisti i ri” që u mbajtën në Maqedoni. Çmimin e vendit të dytë në këto gara e mori Anisa Shabani, ndërsa me çmimin e vendit të tretë u shpërblyen Artina Salihu, Arnisa Malsiu dhe Adea Halili. Ata u shprehën të kënaqur me çmimet e fituara.

“Çmimi im ka qenë vendi i parë, çmimi absolut. Nuk është që e kam pritur këtë vend, por sipas punës që e kemi bërë edhe punës së profesorit Rinor kemi arritur. Na kanë pritur shumë mirë, kemi kaluar mirë, ka qenë rrugë e lodhshme, por besoj që nëse dëshiron sukses duhet edhe punë. Kam marrë pjesë edhe në një garë tjetër, aty ka qenë në Shkodër, aty e kam marrë vendin e dytë”, tha Orges Isufi.

“Unë e kam marrë çmimin e parë, çmimin absolut me 100 pikë. Jam e kënaqur, por besoj që duhet ende më shumë punë pasi që do të marrim pjesë edhe në garat tjera. Kjo nuk është gara e parë që marrë pjesë, kemi marrur pjesë në gara në Prishtinë dhe në Shkodër, kjo është hera e parë që morëm pjesë në Maqedoni, shpresoj që edhe në garat tjera do të kemi suksese më tutje”, tha Eleonida Elezi.

“E kam fituar çmimin e tretë. Kam kaluar shumë mirë dhe jam krenare me veten”, u shpreh Artina Salihu.

“Garat në Tetovë ishin shumë të mira, çmimin nuk e prisja dhe kjo ishte gara ime e parë edhe nuk do të jetë e fundit pasi që garat e tjera do t’i presim me vullnet të plotë edhe me plot përkushtim duke e reflektuar punën tonë të palodhshme që e bëjmë me profesorin”, tha Adea Halili.

Profesori i tyre i muzikës, Rinor Aliu, tha se këto çmime janë një pasqyrë e mirë e qytetit dhe shtetit, ndërsa kërkoi mbështetje më të madhe nga instuticionet përkatëse në lehtësimin e pjesëmarrjes në gara të tilla.

“Jashtëzakonisht i kënaqur isha me sukseset e nxënësve të mi edhe të shkollës. Kemi kaluar mirë, gara ishte mesatare duke e marrë parasysh që puna e madhe e nxënësve me një formë na ka bërë të ditur që konkurrencën do ta kemi gati se të njëjtë, juria ka vendosur që çmimet e saj t’i ndajë për nxënësit e shkollës sonë dhe për punën të cilën unë e kam bërë. Çdo gjë do të varet nga komuna jonë, me mbështetjen e komunës, pasi që përkrahja e tejkalon mundësinë e prindërve, duke marrë parasysh udhëtimet, konkurrimet, participimet nuk do të munden të mbulohen nga vet prindi. Sigurisht edhe shkolla ka fonde të kufizuara që shpeshherë udhëtimet e tona janë të pamundshme, por do të mundohemi që të bëjmë një zgjidhje që aktivitetet tona të mos anulohen për shkak të transportit e të hollave, por do të mundohemi që me punë edhe këto të tjerat t’i tejkalojmë”, tha Rinor Aliu.

Nxënës të kësaj shkolle do të marrin pjesë edhe në garat në Ohër që do të mbahen më 28 nëntor.

Ferizaj

Ngritët aktakuza e parë për zgjedhjet e 28 dhjetorit

Published

1 day ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

3 days ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

2 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.