Ferizaj

Tualetet e shkollave në gjendje shqetësuese

Published

7 years ago

15 November, 2019

Këto tualete nuk janë të ndonjë shtëpie të vjetër të pabanuar, por janë të shkollës më të madhe të qytetit të Ferizajt “Gjon Serreçi”, në të cilën vijojnë mësimin mbi 2 mijë nxënës.

Qëndrimi ne kete shkolle është mjafte i vështirë nga kundërmimi i tualeteve.

Drejtori i kësaj shkolle Nazmi Heda, thotë se për këtë gjendje ndër vite i kanë njoftuar organet komunale, por asgje nuk eshte ndërmarrë. Ai thotë se nëse vazhdojnë të shpërfillen kësisoj, vitin e ardhshëm nuk do të nisin fare mësimin.

“Në pushimin veror bëhen përgatitjet teknike, por përveç pastrimit asgjë nuk është intervenuar me atë bindje se edhe këtë vit nuk do të shpenzojmë, por shëndeti i fëmijëve është shumë më me vlerë se kostoja e renovimit, shëndeti i tyre është i rrezikuar, sepse përpos nyjeve sanitare kemi edhe dritaret të cilat paraqesin rrezik në mometin e hapjes për shkak të amortizimit, të gjitha këto i kemi adresuar edhe në ministri, por nuk po ndodhë asgjë, ndoshta pengesë është dislokimi, por neve na mbetet shpresë. Në anën tjetër ka reagime të ashpëra që vitin e ardhshëm shkollor do të vihet në pikëpytje fillimi në këto rrethana“, tha Heda.

Në këtë gjendje nuk është vetëm shkolla “Gjon Serreçi”, situatë e njëjtë paraqitet thuajse në çdo godinë shkollore të Ferizajt. E, kjo gjendje është duke e shqetësuar edhe Këshillin e Prindërve të këtij qyteti.

“Në bazë të takimeve që kemi me këshillat e shkollave një nga kërkesat e tyre janë nyjet sanitare të shkollave se është një problem i përditshëm. Ne do të mundohemi që në takimet e radhës t’i bëjmë presion më shumë DKA-së që të merret më konkretisht me këtë çështje, ne jemi të shqetësuar me këtë, por është shkolla dhe DKA-ja që merren me këto probleme”, shprehet Visar Islami, nënkryetar i Këshillit të Prindërve në Ferizaj.

Në anën tjetër, në Drejtorinë e Arsimit në Ferizaj, thonë se kanë angazhuar një kompani e cila është duke intervenuar gati në të gjitha shkollat.

“Ne përmes operatorit “Shtëpiaku” që e kemi angazhuar këtë vit jemi duke intervenuar, ne kemi një raport të tyre dhe intervenimet që ka bërë nga ky raport deri tani është intervenuar në 8 shkolla dhe tani jemi duke pasur një gjendje më të mirë dhe jemi në proces edhe të shkollave të tjera dhe po besojmë që deri në fund të këtij viti do të mund të interevenojmë tek të gjitha shkollat, por po shpresojmë të kemi edhe donatorë siç ka ndodhë në shkollën e Mirosalës dhe të kemi edhe operatorë të tjerë që ne të bëjmë një zgjidhje afatgjate për këto tualete dhe mos të kemi këso probleme që fatkeqësisht i kemi”, tha Llabjani.

Në komunën e Ferizajt janë 62 objekte shkollore në të cilat vijojnë mësimet mbi 23 mijë nxënës të nivelit parauniversitar.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar