Ferizaj

Rregullorja për caktimin e orarit të punës i procedohet Kuvendit Komunal

Published

6 years ago

20 February, 2020

Qeveria lokale sërish ka kthyer propozimin për caktimin e ditëve të pushimit për veprimtaritë afariste dhe veprimtaritë tjera në Ferizaj.

Ky propozim iu procedua asamblesë komunale për aprovim nga anëtarët e komitetit për Politikë dhe Financa, ku pa asnjë diskutim anëtarët votuan për procedim të kësaj pike, pasi u tha se janë dakorduar më parë që kjo rregullore të dalë për miratim në Kuvend.

Para anëtarëve të KPF-së, drejtori i Zhvillimit Ekonomik Zekir Bytyqi, sqaroi se çfarë parasheh kjo rregullore.

“Ne jemi munduar që në bazë të kësaj rregulloreje t’i klasifikojmë 13 veprimtari ekonomike siç janë bujqësia, pylltaria dhe peshkimi gjatë të dielave dhe festave zyrtare e kanë ditë të punës të rregullt, minierat dhe gurorët gjatë festave dhe të dielave e kanë ditë pushimi, kurse gjatë të shtunave e kanë ditë pune të rregullt, industria prodhuese dhe përpunuese gjatë festave zyrtare dhe të dielave do të kenë ditë pushimi, kurse të shtunave ditë pune, furnizimi me ujë dhe kanalizimi, menaxhimi dhe trajtimi i mbeturinave edhe këto e kanë pushim, ndërtimtaria edhe kjo është ditë pushimi, tregtia me shumicë dhe pakicë dhe riparimi i mjeteve motorike edhe këto e kanë ditë pushimi, akomodimi dhe shërbimet ushqimore ku hynë hoteleritë dhe restorantet këto do të kenë të dielave ditë të rregullt pune, veprimtaritë profesionale shkencore dhe teknike do të kenë ditë pushimi, gjithashtu është sektori i arsimit që do të ketë ditë pushimi, veprimtaritë e shëndetit dhe punët sociale do të ketë ditë pune të dielave dhe festave zyrtare. Me këtë rregullore me kërkesë të furrtarëve do të ketë operime në mënyrë të reduktuar”, deklaroi Bytyqi.

Bytyqi tha se kjo rregullore ka ardhur pas kërkesave të bizneseve, derisa theksoi se për zbatimin e saj do të angazhohen inspektorët e komunës dhe policia.

“Nëse dita e festave zyrtare bie të dielave dhe të shtunave nuk do të zëvendësohet me ditën e hënë, gjithashtu e kemi paraparë që në bazë të analizave që kemi bërë ne si komunë kemi rezultuar që gjatë muajve korrik dhe gusht për sektorët që u fol që të dielave dhe festave zyrtare do të jetë pushim e kemi analizuar që gjatë këtyre muajve të anulohet dhe të jenë ditë të rregullta pune nëse qëllon e dielë apo qoftë festë zyrtare. Shoqëritë tregtare mund të punojnë edhe më pak se orari i përcaktuar në këtë rregullore. Për inspektimin e kësaj rregullore është inspektorati i komunës në bashkëpunim me policinë, është kërkesë e shumicës së bizneseve që e diela të jetë ditë pushimi dhe në festa zyrtare”, tha Bytyqi.

Anëtarët e KPF-së, pa asnjë diskutim i proceduan kuvendit edhe disa pika të tjera, si propozim-vendimi për rritjen e të hyrave vetanake për vitin 2019, propozim- vendim për bartjen e mjeteve nga viti 2019 në vitin 2020, propozim-vendimi për ndarjen e mjeteve financiare, propozim-vendimin për plotësim-ndryshimin e rregullores së komunës për transparencë dhe disa pika të tjera.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

5 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

6 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim