Ferizaj

Komuna kërkon nga qytetarët t’i denoncojnë zyrtarët që nuk e respektojnë orarin e punës

Published

6 years ago

21 February, 2020

Komuna e Ferizajt u ka bërë thirrje qytetarëve që të raportojnë rastet nëse punëtorët e saj nuk ndodhen në vendin e tyre të punës gjatë orarit zyrtar.

Albion Sherifi, zyrtar për marrëdhënie me publikun, tha se kjo masë është bërë për t’i disiplinuar zyrtarët e pandërgjegjshëm.

“Është një masë e shtuar me efekt në rritjen e disiplinës së punës në mesin e administratës komunale, por edhe gjithë institucioneve të tjera që janë në vartësi të komunës. Ky njoftim është lëshuar sot nga kryetari i komunës që të ruhen shërbimet komunale dhe të mbrohen nga zyrtarët eventual të papërgjegjshëm në orarin e tyre të punës, kjo masë paralajmëron masa ndëshkuese dhe disiplinore, por edhe ndëshkime përmes pagesës, në këtë rast përmes prekjes direkte në xhepin e zyrtarëve të pandërgjegjshëm“, tha Sherifi.

Edhe pse zyrtarët kontollohen në formë elektronike, Sherifi thotë se kjo nuk mjafton prandaj e kanë vendosur këtë masë shtesë.

“Ka pasur një varg masash që janë ndërmarrë nga qeverisja lokale, nuk mbetet më vetëm pjesa e kontollës nga ana e organeve të administratës komunale, por është zgjeruar edhe tek denoncimet e qytetarëve, ne kemi formën e kontollit direkt përmes ID kartelave që identifikohen të gjithë punëtorët se kur janë larguar, por edhe kjo formë e denoncimit është një formë më e shtuar e disiplinës, që është një kontroll direkt përmes qytetarëve”, tha Sherifi.

Sherifi, tha se janë duke shqyrtuar mundësinë që t’i shpërblejnë qytetarët të cilët denoncojnë zyrtarët komunal që gjenden jashtë vendit të punës pa ndonjë arsye.

Kjo thirrje vlenë për të gjithë punonjësit e administratës komunale, Qendrës Kryesore të Mjekësisë Familjare përfshirë QMF-të, AMF-të, Qendrës për Punë Sociale, Brigadës së Zjarrfikësve dhe institucioneve të tjera që janë në vartësi të komunës.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

5 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

6 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim