Ferizaj

Era e furishme shkakton dëme në rrjetin elektrik në Ferizaj

Published

6 years ago

27 February, 2020

administrator

Era e fortë e cila mbizotëroi gjatë natës së mbrëmshme nuk ka lënë pa shkaktuar dëme në komunën e Ferizajt.

Si pasojë e saj janë rrëzuar disa shtylla elektrike në disa lokacione të kësaj komune.

Skender Kurti nga Drejtoria e Shërbimeve Pubike në Ferizaj, tha se nuk kanë pranuar ndonjë ankesë nga qytetarët për ndonjë dëm që u është shkaktuar direkt atyre, por njoftoi se dëme janë shkaktuar në disa shtylla elektrike të cilat KEDS-i është duke i sanuar.

“Mbrëmë ka pasur erë të fortë, nga qytetarët nuk kemi pasur ankesë apo ndonjë kërkesë që u ka shkaktuar dëme atyre prej erës së fortë, përveçse kemi dëme të shkaktuara në rrjetin elektrik ku edhe ekipet e KEDS-it janë duke intervenuar, kemi rrugën e Nerodimes ku kanë rënë telat e rrymës në tokë, në Sojevë dhe në Fshatin e Vjetër, por aty është KEDS-i duke intervenuar“, tha Kurti.

Era e fortë që fryu mbrëmë ka sjellur sot edhe reshjet e borës. Kurti, tha se kompanitë janë të gatshme për çdo situatë që mund të krijohet.

“Jemi në kontakt me kompanitë që janë të kontraktuara me komunën të cilat për momentin janë në gjendje gatishmërie që t’i pastrojnë të gjitha rrugët, por për momentin jemi në një situatë të qetë”, tha Kurti.

Ndërsa, në Policinë Rajonale të Ferizajt apeluan tek të gjithë pjesëmarrësit në trafik, e në veçanti tek drejtuesit e automjeteve që vozitjen ta përshtatin me kushtet e rrugës dhe të respektojnë shenjat e trafikut rrugor në mënyrë që t’iu shmangen aksidenteve.

Ferizaj

Arrestohet për vjedhje të trotineteve dhe biçikletave në Ferizaj

Published

7 days ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

1 week ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.

Ferizaj

Gjobiten dy të rinj që po zhvillonin gara shpejtësie në Ferizaj

Published

1 week ago

20 August, 2025

Redaksia

Policët e Njësisë së Komunikacionit Rrugor në Ferizaj, të martën pak para mesnate, kanë ndaluar dy shoferë që po zhvillonin gara shpejtësie dhe po rrezikonin sigurinë publike në rrugën “Driton Islami” në Ferizaj.

Shoferi L.Q. (19 vjeç), me veturë të tipit BMW me targa të huaja, është kapur në flagrancë duke garuar me një veturë tjetër. Atij i është shqiptuar gjoba prej 1000 eurove.

Shoferi tjetër Y.T. (19 vjeç), me veturë BMW me targa të huaja, është kapur në flagrancë duke marrë pjesë në gara shpejtësie. Për këtë kundërvajtje të rëndë është dënuar me gjobë prej 500 eurove, ndalesë për të drejtuar automjet në territorin e Republikës së Kosovës për 12 muaj.

Si dhe gjobë shtesë prej 500 eurove dhe masë mbrojtëse 6 muaj ndalim drejtimi, për shkak të një mase të mëhershme të ndalim-drejtimit, të cilën e kishte nga data 10.08 – 09.11.2025.

Këtij të fundit i është konfiskuar vetura, thuhet mes tjerash në njoftimin e Policisë së Kosovës.