Ferizaj

Rrahmani kërkon zbatimin e rekomandimeve të DASH-it për komunitetet

Published

7 years ago

13 March, 2020

Departamenti Amerikan i Shtetit ka publikuar të mërkurën raportin për të drejtat e njeriut në botë për vitin 2019. Në pjesën për Kosovën, ndër të tjera ky raport flet edhe për komunitetet pakicë që jetojnë në Kosovë.

Qazim Rrahmani nga komuniteti ashkali, tha se ky raport tregon shkeljet që iu bëhen komunitetit Rom, Ashkali dhe Egjiptian si në punësim, arsim dhe shëndetësi.

“Ne këtë raport e kemi vlerësuar si raportin më të besuar ndaj të gjitha raporteve ndërkombëtare. Ne e kemi analizuar këtë raport dhe kemi nxjerrë fushat që flasin për pakicat kombëtare në Kosovë. Kemi gjetur të gjeturat për komunitetin RAE. Këtu flet për punësimin, edukimin, migrimin, riatdhesimin, regjistrimin civil dhe çështjen e martesave të hershme. Në këtë raport thotë se pakicat etnike duke përfshirë komunitetin ashkali, rom dhe egjiptian u përballën me nivele të ndryshme të diskriminimit institucional dhe shoqëror tek punësimi, arsimi dhe shërbimet sociale, në këtë rast komuniteti RAE ka pësuar diskriminim të hapur social dhe në ekonomi dhe ata shumë shpesh kishin qasje jo të mirë të higjienës bazë të kujdesit mjekësor, të arsimit dhe punësimit”, tha Rrahmani.

Rrahmani kërkoi nga Qeveria e Kosovës që të përmbush rekomandimet të cilat janë theksuar në raportin e Departamentit Amerikan të Shtetit.

“Rekomandimet e tyre janë që të përmirësohet jeta e komunitetit pakicë në këto fusha, kështu që ne kërkojmë nga qeveria, nga institucionet përkatëse që këtë raport të Departamentit Amerikan ta marrin seriozisht dhe të gjeturat e tyre t’i përmirësojnë sa më shpejtë që është e mundur”, tha Rrahmani.

Përveç sulmeve kundër anëtarëve të pakicave etnike ose komuniteteve të tjera të margjinalizuara, ky raport nxjerr si çështje kryesore edhe kufizimet e tepruara ndaj mediave, përfshirë dhunën ose kërcënimet ndaj gazetarëve, korrupsioni i qeverisë dhe mosndëshkimi i tij dhe disa çështje të tjera.

Ferizaj

Siguria juaj fillon me zgjedhjen e duhur të sigurimit

Published

3 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

3 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

2 weeks ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.