Ferizaj

Shpërndahen 250 pako ushqimore për familjet skamnore në Ferizaj

Published

6 years ago

18 March, 2020

Virusi COVID-19 ka bërë që qytetarët të rrisin furnizimet me ushqime esenciale, mirëpo një gjë të tillë nuk po mund ta bëjnë edhe familjet në nevojë.

Derisa komuna e Ferizajt nuk ka rezerva, disa biznese kanë shprehur vullnetin që të bashkëpunojnë me komunën për të shpërndarë pako ushqimore për familjet skamnore.

“Në këtë rast është menduar për të gjitha skemat sociale të ndjeshme, tash për tash janë shpërndarë ndihma për një numër të caktuar për këto familje dhe presim që gjatë ditës të shpërndahen 250 pako për familjet skamnore përmes “Viva Fresh” që është donator. Ne si komunë po presim përkrahje edhe nga Qeveria e Kosovës në mënyrë që të shpërndajmë ndihma për familjet në nevojë tash kur vet po apelojmë që të ketë izolim të qytetarëve”, tha Albion Sherifi, zyrtar për marrëdhënie me publikun në kabinetin e kryetarit të komunës.

Sa i përket masave parandaluese për përhapjen e koronavirusit, Sherifi tha se në Ferizaj në vazhdimësi është duke u bërë dezinfektimi i hapësirave publike, por edhe qytetarët janë duke i respektuar masat e ndërmarra si nga niveli qendror, ashtu edhe nga ai lokal. Ai tha se deri më tani në Ferizaj nuk është paraqitur asnjë rast me këtë virus.

“Ekipet e dezinfektimit janë në të gjitha anët e Ferizajt për të bërë dezinfektimin e rrugëve më të frekuentuara, por kjo do të vazhdoj edhe në rrugë të tjera për të shmangur përhapjen e pandemisë globale. Përveç masave të propozuara nga ana e Qeverisë, komuna e Ferizajt ka ndërmarrë masa që të ndaloj edhe transportin e taksive si masë për të parandaluar përhapjen e virusit, nëse ka raste të tilla në Ferizaj. është fat i mirë që sot në takimin e Këshillit Emërgjent konstatohet se Ferizaj nuk ka asnjë rast me korona dhe kjo është meritë edhe e qytetarëve që po u përgjigjen thirrjes për të qëndruar në shtëpi”, tha Sherifi.

Sherifi tha se edhe Inspektorati i komunës është vazhdimisht në terren duke kontrolluar operatorët ekonomik, ku gjobat ndaj abuzuesve të çmimeve nuk janë duke munguar.

Ferizaj

Arrestohet i dyshuari për shkaktim të zjarrit në një shtëpi në Ferizaj

Published

6 days ago

03 June, 2026

Redaksia

Policia e Kosovës ka njoftuar se ka arrestuar një person të dyshuar si zjarrvënës pasi një shtëpi është përfshirë nga zjarri në Ferizaj.

Sipas raportit 24 orësh të policisë rasti ka ndodhur të martën, në ora 12:00.

Ferizaj / 02.06.2026 – 12:00

” Ankuesi mashkull kosovar ka njoftuar se shtëpia e tij është përfshirë nga zjarri. Sipas dëshmitarëve dyshohet se një person i dyshuar mashkull kosovar e ka shkaktuar zjarrin, i cili është arrestuar dhe me vendim të prokurorit është dërguar në mbajtje.”

Ferizaj

Zjarri në një kompani në Ferizaj dëmtoi edhe tri shtëpi familjare

Published

1 week ago

02 June, 2026

Redaksia

Nga një zjarr që shpërtheu më 31 maj në një kompani private në Ferizaj, përpos dëmeve në objektin afarist janë dëmtuar edhe tri shtëpi familjare të pronarit të kësaj kompanie.

Në raportin e policisë bëhet e ditur se nga zjarri që shpërtheu rreth orës 23:10, vlera e dëmeve në objekt afarist dhe shtëpitë e përfshira është e konsiderueshme, derisa rasti është duke u hetuar.

“ Ferizaj / 31.05.2026 – 23:10.

Më 01.06.2026 viktima mashkull kosovar ka raportuar se zjarri i cili kishte shpërthyer me datën e lartcekur në kompaninë e tij, përveç dëmeve tek lokali, dëme ishin shkaktuar edhe tek tri shtëpi të familjarëve të tij ku vlera e dëmit është e konsiderueshme. Rasti është duke u hetuar nga ekipet relevante policore”, thuhet në raportin 24 orësh të policisë.

Ferizaj

Konfiskohen dy motoçikleta dhe ndëshkohen drejtuesit e tyre në Ferizaj

Published

1 week ago

01 June, 2026

Redaksia

Të dielën, më 31.05.2026 rreth orës 15:15, Policia në Ferizaj ka ndaluar dy drejtues motoçikletash, të cilët po qarkullonin në rrugën “Shaban Viça”, në kundërshtim me rregullat dhe ligjet e komunikacionit rrugor.

Ndaj personit me inicialet R.M. (25 vjeç) është shqiptuar gjobë prej 500 eurosh për mos posedim të kategorisë përkatëse A, 3 pikë negative, si dhe masë mbrojtëse prej tre muajsh heqje e patentë-shoferit. Po ashtu, ai është gjobitur edhe me 200 euro për qarkullim me motoçikletë të paregjistruar dhe pa targa.

Edhe ndaj personit me inicialet A.V. (25 vjeç) janë shqiptuar të njëjtat masa: 500 euro gjobë për mos posedim të kategorisë përkatëse A, 3 pikë negative, tre muaj heqje e patentë-shoferit, si dhe 200 euro gjobë për motoçikletë të paregjistruar dhe pa targa.

Për shkak të mungesës së dokumentacionit të rregullt, policia ka konfiskuar edhe të dy motoçikletat.