Ferizaj

”Ballkan Petrol” u dhuron institucioneve shëndetësore mbi 4 mijë litra alkool etilik

Published

4 years ago

15 April, 2020

Kompania ”Ballkan Petrol” i ka dhuruar Qendrës Kryesore të Mjekësisë Familjare në Ferizaj 1 mijë litra alkool etilik, i cili do t’u shërbej institucioneve shëndetësore si mjet dezinfektues gjatë punës së tyre për parandalimin e përhapjes së virusit Covid-19.

Pronari i ”Ballkan Petrol”-it, Bekim Haliti, tha se duke parë nevojën e institucioneve shëndetësore për këtë produkt, vendosën t’ua sigurojnë atë.

“Kemi parë që në këtë kohë pandemie është mëse i nevojshëm alkooli si dezinfektues, e kemi parë që është edhe mungesë në treg edhe si produkt me u siguru dhe duke e pasur mundësinë që ta ofrojmë ka qenë kënaqësi ta japim si donacion në këtë kohë, këtë iniciativë e kemi marrë duke u koordinuar me Ministrinë e Shëndetësisë dhe e kemi shpërndarë në të gjitha degët në nivel të Kosovës. Për Ferizaj i kemi dhuruar 1 mijë litra, njëjtë i kemi ofruar edhe Spitalit të Prishtinës. Ka qenë problem të sigurohet pasi të gjitha shtetet hezitojnë ta shesin, por se ne e siguruam dhe ishte kënaqësi ta dhurojmë”, tha Haliti.

Drejtoresha e QKMF-së në Ferizaj Nadire Ymeri, tha se ky produkt do t’iu hy shumë në punë, pasi në situatën në të cilën gjendemi alkooli etilik është tejet i nevojshëm.

“Një donacion i mirëpritur nga kompania ”Ballkan Petrol” që na ka dhuruar nëj sasi prej 1 mijë litër, ky produkt është mëse i nevojshëm në këtë kohë pandemie që është shumë i nevojshëm për dezinfektimin dhe nevojat e QKMF-së dhe i jemi shumë mirënjohës donatorit”, tha Ymeri.

Kompania “Ballkan Petrol”, gjatë ditës së sotme u dhuroi institucioneve shëndetësore në nivel vendi mbi 4 mijë e 200 litra alkool.

Ferizaj

Arrestohet edhe një i dyshuar për plagosjen që ndodhi në prill të këtij viti në Ferizaj

Published

36 mins ago

17 May, 2024

Redaksia

Policia e Kosovës ka njoftuar për arrestimin e të dyshuarit të dytë për plagosjen me armë zjarri që ndodhi më 26 prill 2024në rrugën “Zenel Hajdini” në Ferizaj.

Në njoftim thuhet se i dyshuari i moshës 28-vjeçare me inicialet SH.K. është intervistuar në prani të avokatit mbrojtës nga hetuesit rajonal, ndërsa me vendim të prokurorit të rastit, i njëjti është ndaluar në mbajtje për 48 orë.

Gjithashtu policia bëri të ditur se hetuesit rajonal kanë zgjeruar hetimin për kapjen edhe të personave tjerë, si të dyshuar të mundshëm për rastin e datës 26.04.2024.

Njoftimi i plotë:

Ferizaj

Seanca e rigjykimit ndaj Krivaqës dhe Sejdiut shtyhet për 24 maj

Published

22 hours ago

16 May, 2024

Redaksia

Në Gjykatën Themelore në Ferizaj seanca e caktuar për sot e rigjykimit ndaj Dardan Krivaqës dhe Arbër Sejdiut, të cilët akuzohen për dhunimin dhe vrasjen e Marigona Osmanit, më 22 gusht të vitit 2021, është shtyrë për 24 maj.

Më herët, Gjykata e Apelit, me aprovimin e ankesës së Prokurorisë Themelore në Ferizaj dhe të mbrojtjes së dy të akuzuarve, e ka kthyer çështjen në rigjykim.

Në aktgjykimin që Gjykata Themelore e Ferizajt e mori më 4 gusht të vitit të kaluar, Dardan Krivaqa u dënua me burgim të përjetshëm për vrasjen e Marigona Osmanit, ndërsa Arbër Sejdiu u dënua me 15 vjet burgim për ndihmë në vrasjen e rëndë në bashkëkryerje.

Sipas të njëjtit aktgjykim, Krivaqa dhe Sejdiu ishin liruar nga akuza për dhunim.

Marigona Osmani u vra më 22 gusht të vitit 2021 në banesën e të akuzuarit kryesor, Dardan Krivaqës, në Ferizaj.

Ferizaj

Brenda një jave raportohen 3 raste të dhunës në familje në rajonin e Ferizajt

Published

4 days ago

13 May, 2024

Redaksia

Në Drejtorinë Rajonale të Policisë në Ferizaj gjatë javës që shkoi, nga data 06 deri më 12 maj 2024, janë raportuar 3 raste të dhunës në familje. Prej tyre, 1 rast është raportuar në Ferizaj, 1 rast në Shtime dhe 1 rast në Kaçanik.

Sipas njoftimit të policisë, me vendim nga Prokuroria Themelore në Ferizaj një person është ndaluar në mbajtje, ndërsa dy të tjerë janë liruar në procedurë të rregullt hetimore.