Ferizaj

Komuna detyron kompaninë të riasfaltoj rrugën e “Reçakut” për shkak të punimeve jocilësore

Published

6 years ago

24 April, 2020

Ende pa i mbushur një vit e gjysmë që kur është asfaltuar, në rrugën e “Reçakut” e cila çon në drejtim të rrugës “Driton Islami” në Ferizaj, sërish janë rikthyer punimet. Asfalti i shtruar është hequr nga aty, për t’u zëvendësuar me një shtresë tjetër.

Banorët thonë se këto punime që po bëhen shpesh po u shkaktojnë telashe.

“Nuk ka as dy vite që është bërë asfaltimi, por prej fillimit e kam parë që nuk janë duke e bërë asfaltimin cilësor, por shpresoj që kësaj here ta bëjnë siç duhet”, tha Zymer Arifi, banor i rrugës së “Reçakut”.

“Është shumë e mundimshme, po ashtu situata e tanishme nuk është për me riparu rrugë, por me shpërnda maska, dezinfektues e ndihma për familjet në nevojë”, tha një tjetër qytetar.

Kurse, drejtori i Infrastrukturës Arbër Bytyqi, tha se kjo po ndodhë meqë asfalti i vendosur vitin e kaluar ishte jokualitativ.

“Siç kemi thënë nga fillimi cilësia e punimeve është detyrë e jona, shembull për këtë është edhe rruga e “Reçakut”, aty nuk jemi të kënaqur me cilësinë e punimeve që janë bërë nga kompania dhe si rezultat i kësaj e kemi detyruar edhe një herë kompaninë t’i bëj punimet, është e njëjta kontratë, të gjitha punimet do të bien barrë e kompanisë, buxheti i komunës nuk do të dëmtohet”, tha Bytyqi.

Drejtori i Infrastrukturës njoftoi se njëjtë kanë vepruar edhe me disa rrugë të tjera.

Rregullimi i rrugës së “Reçakut” e cila është e gjatë rreth 1 kilometër, ka kushtuar rreth 150 mijë euro.

Ferizaj

Gjykata në Ferizaj cakton 1 muaj paraburgim dy zyrtarëve të dyshuar për ryshfet

Published

2 days ago

27 February, 2026

Redaksia

Gjykata Themelore në Ferizaj caktuar masën e paraburgimit në kohëzgjatje prej 1 muaji për dy zyrtarët e KEDS-it të cilët dyshohen për ryshfet.

Kjo pasi, gjyqtari i procedurës paraprake ka pranuar kërkesën e Prokurorisë themelore të Ferizajt për caktimin e masës së paraburgimit ndaj të pandehurve B.B dhe E.K. të cilët janë kapur dhe arrestuar në flagrancë nga ana e Policisë së Kosovës, për pranim të ryshfetit.

Në njoftimin e Gjykatës Themelore të Ferizajt mes tjerash bëhet e ditur se të arrestuarit dyshohen për veprën penale pranimi i ryshfetit në sektorin privat nga neni 309 paragrafi 1 lidhur me nenin 31 të Kodit Penal të Republikës së Kosovës.

“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake në Departamentin e Përgjithshëm – Divizioni Penal, Dardan Maloku, ka vlerësuar se ekziston dyshimi i bazuar, se më datë 25.02.2026 në Ferizaj, përkatësisht në KEDS, i pandehuri B.B., në cilësinë e koordinatorit të njësisë së kontrollit në Departamentin për humbje të energjisë elektrike, dhe i pandehuri E.K. në cilësinë e ushtruesit të detyrës së koordinatorit për lidhje të reja, gjatë ushtrimit të detyrave të tyre lidhur me ofrimin e shërbimeve ndaj konsumatorëve, në mënyrë të drejtpërdrejte i kanë kërkuar shumën prej katërqind (400.00) € të dëmtuarit A.H., me arsyetimin se njësori elektrik do t`i vendoset brenda një jave në lokalin e tij, në të kundërtën do të duhet të pres pesë deri në gjashtë muaj për vendosjen e njësorit elektrik, si dhe këtë shumë të hollash do të ndanin ndërmjet katër personave, me ç`rast pas zbatimit të masave të veçanta hetimore, të njëjtit janë kapur dhe arrestuar në flagrancë nga ana e Policisë së Kosovës”, thuhet mes tjerash në njoftimin e Gjykatës.

Ferizaj

Arrestohet një person për kanosje me thikë

Published

6 days ago

23 February, 2026

Redaksia

Policia në Ferizaj ka arrestuar një person të dyshuar për tentim të sulmit me thikë.

Në raportin 24 orësh të policisë bëhet e ditur se ngjarja ndodhi të dielën rreth orës 10:10.

“ Është arrestuar i dyshuari mashkull kosovar, pasi që i njëjti pas një mosmarrëveshje kishte tentuar ti sulmoj dy viktimat një mashkull dhe një femër kosovare.

Nga i dyshuari është sekuestruar mjeti i mprehtë thikë. Me vendim të prokurorit kujdestar i dyshuari ndalohet në qendrën e mbajtjes” ka njoftuar policia.

Ferizaj

Hapet restoranti “ODA Grill House” në Pleshinë të Ferizajt

Published

2 weeks ago

13 February, 2026

webmaster

Në Pleshinë të Ferizajt ka hapur dyert restoranti “ODA Grill House”, një hapësirë e re gastronomike që sjell kombinimin e ushqimit tradicional me një ambient të ngrohtë dhe unik për vizitorët.

“ODA Grill House” ofron menu me specialitete tradicionale, duke synuar të krijojë një përvojë të veçantë për familjet, miqtë dhe të gjithë ata që preferojnë kuzhinën vendore.

Ambienti i brendshëm i restorantit është dizajnuar në mënyrë funksionale dhe komode, duke e bërë të përshtatshëm si për manifestime familjare ashtu edhe për takime shoqërore.

Lokacioni i restorantit “ODA Grill House” është në fshatin Pleshinë, 5 km larg Ferizajt.

*Artikull i sponsorizuar