Ferizaj

Këngëtari Labinot Tahiri dhuron 10 mijë euro për shqiptarët e Luginës

Published

6 years ago

24 April, 2020

Këngëtari ferizajas Labinot Tahiri ka dhuruar 10 mijë euro për shqiptarët e Luginës së Preshevës, Medvegjës dhe Bujanocit.
Tahiri tha se një gjë të tillë e bëri duke parë mungesën e gatishmërisë së institucioneve për t’i ndihmuar shqiptarët që jetojnë atje.

“Është në pyetje vëllezëria shqiptare ku ne duhet të kontribuojmë në raste të tilla, e sidomos në këtë kohë pandemie kur ata nuk kishin ndihma nga askush, as nga Kosova, as nga Shqipëria, as nga Serbia. E kanë pritur shumë mirë përfaqësuesit atje, ne deshëm që së pari t’i dërgojmë afër 10 tonë pako ushqimore, por nuk ishte mundësia, prandaj vendosëm që të dërgojmë 10 mijë euro që besoj se do të ndihmohen afër 600 familje. Me erdhi shumë mirë që edhe pas asaj që unë i dërgova më erdhi shumë mirë që edhe qeveria Kurti i ndau 500 mijë euro për ta”, tha Tahiri.

Tahiri tha se udhëheqësit e komunave po e ngatërrojnë politikën me humanizmin.

“Disa kryetarë të komunave na kanë ftu e disa i kemi thirrë ne siç është rasti i Shpend Ahmetit i cili na thënë se s’ka nevojë ndërsa dje e pashë që deklaroi se kanë nevojë për ndihma për 500 familje, po ashtu edhe Ardian Gjini ka thënë nuk ka nevojë, por unë ua kam dërgu minoriteteve, edhe këtu në Ferizaj po e përziejnë politikën me humanizëm, e kemi parë rastin muaj më parë në Ferizaj, mendojnë që unë ka me garu për kryetar, por nuk kam me garu, unë bëj humanizëm shumë vite më parë, por këtu nuk e di si po e marrin, edhe me rastin e Svarqës, unë dërgova shiringa ata m’i kthyen, edhe tani puna me maska në Ferizaj para një muaji ku vet më kanë thirrë e më pas më thanë që s’ka nevojë”, tha Tahiri.

Tahiri tha se në mesin e qindrave familjeve që ka ndihmuar, këto ditë ka ndarë 3 mijë euro edhe për familjarët e personave të përfshirë në grupin e Kumanovës.

Ferizaj

Në Ferizaj raportohen katër bankënota të dyshuara nga 500 €

Published

4 days ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

4 days ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

2 weeks ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.