Ferizaj

Mirashi fshati me numrin më të madh të të infektuarve me Covid-19 në Ferizaj

Published

5 years ago

25 April, 2020

Deri më tani në komunën e Ferizajt 98 persona kanë rezultuar pozitiv me koronavirus. Njëri ndër fshatrat me numrin më të madh të të infektuarve me virusin korona është fshati Mirash i Ferizajt. Aktualisht nga ky fshat janë 17 persona të cilët janë infektuar me Covid-19.

Përfaqësuesi i këtij fshati Taip Bytyqi, tha se të prekur nga ky virus janë tri familje të cilat kanë pasur kontakt me të infektuarin tashmë të ndjerë nga fshati Sazli, i cili punonte si shofer në kampin ushtarak “Bondsteel”.

Bytyqi tha se anëtarët e dy familjeve kanë pasur lidhje miqësore me ish-punëtorin e “Bondsteel”-it, ndërsa familja tjetër është infektuar nga anëtarja e tyre e cila punon në një market në Ferizaj, që kishte pasur kontakte me një të afërme të të ndjerit nga Sazlia.

“Këto raste janë në tri familje, janë të gjitha raste kontakti, personi i cili ka vdekur nga “Bondsteel”-i kanë punuar së bashku dhe kanë dalur dy familje dhe familja e tretë vajza e tyre ka punuar në një market te “Viva”, tha Bytyqi.

Bytyqi tha se gjendja shëndetësore e gjithë të prekurve ëstë stabile përveç një 80 vjeçari i cili është në gjendje më të rëndë.

“Gjendja e tyre është e mirë, por është një i moshuar ku mbrëmë kam kontaktu me djalin e tij ka treguar se gjendja e babit është e rëndë, nuk e di se ku është duke u trajtuar pasi më erdhi rëndë ta pyes”, tha Bytyqi.

Përfaqësuesi i fshatit Mirash tha se të gjitha këto familje janë në vetizolim dhe po sigurohen nga Policia.

Ferizaj

Arrestohet për vjedhje të trotineteve dhe biçikletave në Ferizaj

Published

7 days ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

1 week ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.

Ferizaj

Gjobiten dy të rinj që po zhvillonin gara shpejtësie në Ferizaj

Published

1 week ago

20 August, 2025

Redaksia

Policët e Njësisë së Komunikacionit Rrugor në Ferizaj, të martën pak para mesnate, kanë ndaluar dy shoferë që po zhvillonin gara shpejtësie dhe po rrezikonin sigurinë publike në rrugën “Driton Islami” në Ferizaj.

Shoferi L.Q. (19 vjeç), me veturë të tipit BMW me targa të huaja, është kapur në flagrancë duke garuar me një veturë tjetër. Atij i është shqiptuar gjoba prej 1000 eurove.

Shoferi tjetër Y.T. (19 vjeç), me veturë BMW me targa të huaja, është kapur në flagrancë duke marrë pjesë në gara shpejtësie. Për këtë kundërvajtje të rëndë është dënuar me gjobë prej 500 eurove, ndalesë për të drejtuar automjet në territorin e Republikës së Kosovës për 12 muaj.

Si dhe gjobë shtesë prej 500 eurove dhe masë mbrojtëse 6 muaj ndalim drejtimi, për shkak të një mase të mëhershme të ndalim-drejtimit, të cilën e kishte nga data 10.08 – 09.11.2025.

Këtij të fundit i është konfiskuar vetura, thuhet mes tjerash në njoftimin e Policisë së Kosovës.