Ferizaj

Që nga 24 prilli asnjë i infektuar me COVID-19 në Ferizaj

Published

6 years ago

28 April, 2020

Që nga 24 prilli në komunën e Ferizajt nuk ka rezultuar pozitiv me koronavirus asnjë person.

Kryetari i komunës së Ferizajt Agim Aliu, tha se kjo situatë është shpresëdhënëse për kthim në normalitet, duke kërkuar nga qytetarët që të vazhdojnë t’i respektojnë masat për mbrojtje nga COVID-19, pasi ka mbetur dhe pak kohë deri në përmirësimin e gjendjes.

“Sigurisht është lajm i mirë për të gjithë edhe për qytetarët edhe për ne, por kjo nuk do të thotë se është betejë e fituar, por sigurisht duhet të respektohen ato që janë bërë një lloj refreni, përkundër që është moti i mirë ne kërkojmë që akoma të evitohen daljet e tyre dhe kur të dalin të respektohet distanca sociale, pasi ende nuk është betejë e fituar dhe Ferizaj ka qenë shembull i asaj që me një burim të vetëm ka eskaluar situata”, tha Aliu.

Kryetari i Ferizajt ripërsëriti thirrjen e tij që Ferizaj të hiqet nga karantina meqë, sipas tij, izolimi nuk ka pasur asnjë efekt dhe vazhdon të mos ketë.

“Karantina është vetëm diçka formale nuk i shërben më asgjëje, për këtë kam biseduar edhe me ministrin e shëndetësisë dhe parimisht jemi marrë vesh që duhet të hiqet karantina, por kjo bëhet me rekomandim të Institutit dhe kemi biseduar edhe me profesorin dhe gjendja është e mirë në Ferizaj nuk kemi më pozitiv, është faktorë që do të duhej të ndikonte tek Instituti për ta hequr këtë pjesën formale të karantinës pasi praktikisht nuk ka funksionuar dhe nuk është duke funksionuar. Shumë më efekt do të kishte qenë nëse resurset policiore t’i kemi brenda territorit të Ferizajt sesa në kufi të Ferizajt”, tha Aliu.

Drejtori i Spitalit të Ferizajt Jeton Zeqiri, tha se më 23 prill në Spitalin e Ferizajt është trajtuar një paciente nga komuna e Kaçanikut e cila ka rezultuar pozitive me COVID-19 gjë që ka bërë që të vetizohen 8 punëtorë shëndetësor.

“Çdo masë që është marrë rezultatet janë pas dy jave ne jemi në atë fazën e mirë të respektimit të rregullave dhe rezultatet po shihen, në të njejtën kohë ka ndikuar edhe koha e mirë, po ashtu mosha mesatare e popullsisë është e mirë kështu që ne në ditët në vijim presim rrethana lehtësuese për qytetin tonë. Sa i përket stituatës së përgjithshme më datën 23 kemi pasur një pacient nga komuna e Kaçanikut e cila ka pasur një frakturë, pacientja ka qëndruar në emërgjencën tonë mbi 2 orë e gjysmë dhe më pas është dërguar në QKUK dhe atje para se të futet në operacion është testuar dhe ka rezultuar pozitive, ne menjëherë i kemi marrë masat, kemi dezinfektuar hapësirat dhe me rekomandim që stafi prej 8 personave të vetizolohen, besoj që këtë javë do të bëhet testimi dhe në momentin që dalin negativ ne do të kthejmë stafin”, tha Zeqiri.

Komuna e Ferizajt gjendet në karantinë që nga data 11 prill. Në këtë komunë numri i të infektuarve me koronavirus ka shkuar në 98.

Ferizaj

Siguria juaj fillon me zgjedhjen e duhur të sigurimit

Published

3 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

3 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

2 weeks ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.