Ferizaj

Komuna apelon tek qytetarët t’i respektojnë masat mbrojtëse

Published

5 years ago

11 May, 2020

Pas një trendi pozitiv të të shëruarve nga virusi COVID-19, gjatë ditës së djeshme në Kosovë rezultuan 14 persona pozitiv me këtë virus duke e çuar në 884 numrin e të infektuarve në nivel vendi.
E, në komunën e Ferizajt ka mbi 10 ditë që janë konfirmuar zero raste të reja me koronavirus, por dalja masive e qytetarëve pas lehtësimit të masave, pa maska, pa dorëza dhe duke mos e respektuar distancën fizike mund të rikthej përsëri virusin në këtë qytet.

Duke e parë këtë situatë, zëdhënësi i komunës së Ferizajt Albion Sherifi, kërkon nga organet e rendit që të intensifikojnë punët e tyre.

“Qytetarët duhet të vazhdojnë të mbajnë pajisjet mbrojtëse që janë dorëzat, maskat në mënyrë që mos të kemi një shpërthim të ri epidemik. Në Ferizaj ka mbi 10 ditë që mostrat e marra kanë rezultuar negative, por kjo nuk nënkupton që të dilet pa pajisje mbrojtëse, prandaj apeloj tek organet gjegjëse në këtë rast tek Policia, Instituti Kombëtar, por edhe gjithë akterët e tjerë relevant që të bëjnë punën e tyre në mënyrë që ndërgjegjësimi i qytetarë të vazhdoj”, tha Sherifi.

Mosrespektimin e masave siç është përdorimi i maskave dhe dorëzave, disa nga qytetarët, kryesisht rastet sociale, po e arsyetojnë me mungesë të mjeteve financiare për t’i blerë ato.

“Këtu nuk ka arsyetim për shkak të gjendjes jo të mirë ekonomike që mos të sigurohen maska dhe dorëza, poashtu thirrjet janë që të eliminohen të gjitha tubimet dhe kjo është përgjegjësi e qytetarëve. Nuk është gjendja ekonomike për të mos vendosur një maskë apo për të vendosur dorëza, janë tejet të lira në kuptimin e përgatitjes në kushte shtëpie, por edhe si blerje. Në anën tjetër janë shpërndarë mijëra maska nga donatorë privat e biznese për grupe të ndryshme sociale, por është përgjegjësi e individëve që t’i bartin ato”, tha Sherifi.

Komuna e Ferizajt nuk ka sigurur dorëza dhe maska për rastet sociale, mirëpo bashkë me donatorë që nga përhapja e pandemisë COVID-19, ka ndihmuar me pako ushqimore dhe higjienike familjet në nevojë.

U bë e ditur se deri më tani janë shpërndarë afër 5 mijë pako ushimore dhe higjienike.

Ferizaj

Javën e kaluar u raportuan 56 aksidente trafiku në rajonin e Ferizajt

Published

2 days ago

16 June, 2025

Redaksia

Policia në rajonin e Ferizajt ka njoftuar se javën e kaluar ka shqiptuar 1 mijë e 347 gjoba kundërvajtëse dhe janë pezulluar 13 patentë shoferë.

Gjatë periudhës nga 09.06.2025 deri më 15.06.2025, janë shqiptuar 1,347 gjoba kundërvajtëse, si dhe janë pezulluar 13 patentë-shoferë për drejtuesit e mjeteve që kanë kryer shkelje të rënda në trafik, thuhet në njoftim.

Gjithashtu janë raportuar 56 aksidente trafiku, në një prej tyre në person ka vdekur.

– 1 aksident me fatalitet në Kaçanik, ku ka mbetur një person i vdekur

– 24 aksidente me lëndime , ku kanë mbetur të lënduar 30 persona

– 31 aksidente me dëme materiale

Ferizaj

Teatri “Adriana”reagon ndaj pengesave institucionale: “Një premierë përtej censurës”

Published

3 weeks ago

26 May, 2025

webmaster

Teatri “Adriana” ka njoftuar se premiera e shfaqjes “Fluturimi mbi teatrin e Kosovës” është shtyrë për datën 14 qershor 2025, shkaku i pengesave institucionale që trupa ka hasur gjatë përgatitjes së kësaj premiere.

Sipas deklaratës për media, gjatë përgatitjeve për premierën e kësaj shfaqjeje, të caktuar fillimisht për 7 qershor, trupa është përballur me kërkesa për ndërhyrje në tekstin e shfaqjes, mungesë të papritur të buxhetit për materiale skenike dhe pengesa të tjera që, sipas tyre, përbëjnë “një sabotim të heshtur” ndaj artit dhe lirisë krijuese.

Megjithatë, nga teatri konfirmojnë se premiera e shfaqjes “Fluturimi mbi teatrin e Kosovës”, me tekst të Jeton Nezirajt dhe regji të Agon Myftarit, do të mbahet në datën e re, edhe nëse u duhet të riciklojnë kostume dhe skenografi nga prodhime të mëparshme.

Teatri thekson se këto pengesa janë një formë e censurës indirekte ndaj lirisë krijuese, duke theksuar rëndësinë e mbrojtjes së lirive artistike dhe të shprehjes në Kosovë.

“Është paradoksale dhe shqetësuese se si disa individë marrin bajrakun e patriotizmit duke akuzuar tërthorazi artistët si antikombëtarë, dhe në emër të një lloj nacionalizmi primitiv, përpiqen të kufizojnë të drejtën krijuese — për të cilën të njëjtët kanë luftuar në vitet 1998–1999”, thuhet më tej në deklaratë, përmes së cilës, aktorët dhe regjisori i bëjnë thirrje publikut dhe komunitetit artistik të mbështesin shfaqjen dhe të qëndrojnë kundër çdo censure.

“Më 14 qershor, në skenën e Teatrit ‘Adriana’, nuk do të shfaqet vetëm një vepër. Do të shfaqet vetë qëndrimi ynë ndaj lirisë”, thuhet mes tjerash në deklaratë.

Ferizaj

Policia në Ferizaj brenda javës shqiptoi 1310 gjoba trafiku

Published

4 weeks ago

19 May, 2025

Redaksia

Policia e Ferizajt, gjatë javës së kaluar, ka shqiptuar 1 mijë e 310 gjoba trafiku, si dhe ka pezulluar 14 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe, policia ka bërë të ditur se kanë ndodhur gjithsej 36 aksidente, nga të cilat, 13 ishin me të lënduar kurse 23 aksidente të tjera ishin vetëm me dëme materiale.