Ferizaj

Përmes ligjit synohet mbrojtja e vlerave të luftës

Published

5 years ago

08 June, 2020

Deputeti i Kuvendit të Kosovës nga radhët e PDK-së Gazmend Bytyçi, ditë më parë ka nisur ri-procedimin e Ligjit për mbrojtjen vlerave të luftës së UÇK-së projektligj ky i cili ka mbetur në gjysmë që dy vite.

“Ligji është proceduar në vitin 2018 nga kryetari i PDK-së Kadri Veseli, por për shkak të ndryshimeve të qeverisë ka mbetur pa u proceduar dhe pa u marrë vendimi i plotë i këtij ligji dhe tashmë ne e kemi riproceduar, unë kam pas nderin që ta përfaqësoj këtë nismë të PDK-së, si ligj ka kaluar disa procedura dhe shumë shpejt presim që ky ligj të vie në kryesinë e Kuvendit dhe më pastaj të procedohet dhe ne në këtë kohë do ta shfrytëzojmë për të bërë debate dhe për të marrë informacione që iu interesojnë grupeve të tjera të interesit siç janë në këtë rast kategoritë e dala nga lufta dhe gjithë qytetarëve që ky ligj të jetë sa më i plotë dhe që më në fund vlera e luftës të trajtohet dhe të mbrohet me një ligj ashtu siç e meriton”, tha ai.

Bytyçi tha se ky ligj parasheh edhe sanksionimin e njerëzve e grupeve që abuzojnë me luftën e UÇK-së. Në këtë rast ai përmendi deklaratën e këshilltarit të ish- kryeministrit Albin Kurti, Shkëlzen Gashi.

“Ligji ka bazën e vet juridike duke filluar nga preambula apo arsyen pse është ky ligj, tregon se cka është lufta, cila është stema e UÇK-së, kush është familje e dëshmorit, kush është veterani e invalidi dhe në kuadër të saj në tre nenet e saj thuhet që në këtë ligj kjo është vlerë e mbrojtur e këtij shteti dhe këtij vendi dhe për këtë të gjithë qytetarët dhe sidomos zyrtarët publik janë të obliguar që ta mbrojnë këtë ligj, në rast të mos mbrojtjes apo dëmtimit sanksionohen me ligj. Ne që nga paslufta luftën e UÇK-së si vlerë të veçantë kombëtare nuk e kemi trajtuar siç është dashur prandaj kjo ka krijuar hapësirë që të abuzojnë me këtë vlerë që është mbi çdo gjë, edhe kjo e fundit ishte një skandal duke e cilësuar luftën kriminale duke bërë krahasime mes komandantëve të luftës dhe pushtuesve dhe më e keqja është që u tha nga një zyrtar publik shtetëror “,tha Bytyçi.

Projektligji për mbrojtjen e vlerave të luftës së Ushtrisë Çlirimtare të Kosovës ishte hartuar nga kryetari i PDK-së Kadri Veseli, i cili projektligj ishte thënë se është marrë model nga ligji kroat.

Ferizaj

Lëndohet një person në vendin e punës në Ferizaj

Published

2 days ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

4 days ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

4 days ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.