Ferizaj

Qytetarët ankohen për rrugën që çon tek parku ‘’Liria’’

Published

8 years ago

22 May, 2018

Ka disa vite që po kërkohet asfaltimi i rrugës e cila çon tek parku ‘’Liria’’, madje për rregullimin e saj shpeshherë është premtuar nga pushtetarët, por edhe sot e kësaj dite gjendja vazhdon të mbetet e tillë.

Banorët që jetojnë përgjatë kësaj rruge ankohen se udhëheqësia ferizajase asnjëherë nuk i dha prioritet kësaj rruge edhe pse është shumë e qarkullueshme.

“Vuajmë nga pluhuri e nga rruga e keqe, i dëmtojmë veturat, dëme ka mjaftë shumë. Para një muaji e kanë mbushur me zhavorr po prapë shiu e ka bartë, mirëpo sa herë të bie shi kjo rrugë vërshohet, tani vijnë edhe qytetarët prej diasporës, ata kanë qef me shku lartë se i ka dalë zani Parku i Lirisë, por me vetura të mira nuk hyn askush këndej”, tha Beqir Hasani.

“Në fillim që erdhëm kësaj rruge krahasim me vite më parë ishte pak diçka më mirë, por për shkak të kushteve atmosferike prapë kish fillu me u prishë, por me mujtë me marrë një iniciativë në të ardhmen me e rregullu edhe ne do të kishim vullnet me ardhë këtu më shumë, duhet me pas një rrugë më të mirë”, tha Brahim Maksuti.

“Vështirësi ka boll, është një rrugë katastrofë, verës është pluhur e dimrit është edhe më keq, edhe ata që shkojnë tek parku është shumë keq për ata”, tha një tjetër banor.

Ndërsa, drejtori i Infrastrukturës Arbër Bytyqi, tha se kjo rrugë do të rregullohet gjatë këtij mandati qeverisës, por nuk precizoi se në cilin vit të mandatit katërvjeçar do të ndodhë kjo.

“Gjatë këtij mandati do të përfundohet asfaltimi i asaj rruge dhe nuk po them asfaltimi pasi duhet shikuar edhe aspekti teknik a duhet të asfaltohet apo duhet me kubëza të bëhet ajo pjesë e rrugës, por gjithsesi do të rregullohet ajo rrugë dhe do të jetë e kalueshme për të gjithë qytetarët. Momentin e parë që na krijohen mundësi buxhetore ne do ta asfaltojmë këtë rrugë dhe jo vetëm rrugën, por do ta trajtomë gjithë zonën tek parku “Liria”, pasi është zonë me rëndësi të veçantë për neve”, tha Bytyqi.

Kjo rrugë që çon në parkun ‘’Liria’’, është e gjatë rreth 500 metra.

Ferizaj

Humb jetën një punëtor në një objekt në ndërtim në Ferizaj

Published

3 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

3 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

3 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.