Ferizaj

Berisha kërkon hetime për keqpërdorime në Drejtorinë e Shëndetësisë

Published

8 years ago

23 May, 2018

Drejtori i Shëndetësisë dhe i Mirëqenies Sociale në Ferizaj Besnik Berisha, gjatë raportimit të punës katërmujore të dikasterit që ai udhëheq, bëri të ditur se ka kërkuar nga Prokuroria Themelore e Ferizajt që të nis hetimet ndaj disa parregullsive të cilat janë bërë në Drejtorinë e Shëndetësisë në kohën e LDK-së. Berisha tha se në mesin e këtyre parregullsive ka gjetur edhe falsifikime të dokumenteve e keqpërdorim të parasë.

“Dje kam dorëzu te Kryeprokurori i Prokurorisë Themelore të Ferizajt, Shukri Jashari, kam deponu një kërkesë për hetime për 5 pika. Është gala mbrëmja, në veçanti rasti i 14 mijë eurove që janë dhënë nga një donator në korrik të 2015-ës dhe janë kthy jashtëligjshëm në dhjetor të 2017-ës, rasti i dytë është ndërhyja në listën për shtëpi të skamnorëve që është punë e falsifikimit dhe kam kërku hetim për këtë rast, rasti i tretë është puna e furnizimit me pajisje që nuk i përkasin shëndetësisë primare, pastaj kam kërku që të shikohet puna e pajisjeve që i kanë dërgu rotarianët britanez, e dimë se kanë ardhur deri në doganë, por më tutje nuk dimë, si dhe puna e pagesës së rrugës kam kërku hetim sepse është dëmtim i buxhetit diku në vlerë 9 mijë euro vjetore”, tha Berisha.

Berisha tha se për keqpërdorime, organeve të hetuesisë i janë drejtuar edhe udhëheqësit e Qendrës Kryesore të Mjekësisë Familjare.

“Tri lëndë drejtori i QKMF-së me aprovimin e Këshillit Drejtues i ka çu në hetuesi apo krime ekonomike, është fjala për dy fotokopje që janë ardhur të përdorura, për një gyp të rëntgenit i cili na ka shkaktu problem të madh, pushteti i kaluar i ka thirrur njerëzit e paautorizuar të cilët e kanë marrë gypin dhe kanë punu në punëtori të veta dhe e kanë djegur edhe pllakën dhe tani është i pariparueshëm ai rëntgen, kemi bërë procedurën e tenderimit, mirëpo çka është më e keqja dje 19 mijë euro prej këtij projekti na i ka marrë përmbaruesi dhe është shumë e dhimbshme që për pajisje mjekësore thesari na i merr mjetet dhe është një projekt që është bërë pa miratim, është një projekt ku janë shkaktuar shpenzime, është paguar nga buxheti i komunës, ndërsa nuk ka pas aprovim me shkrim të projektit”, tha Berisha.

Sa i përket punëtorëve shëndetësor që ishin të angazhuar përmes një marrëveshje me organizatën “Caritas Kosova”, Berisha tha se janë në bisedime për një kontratë të re me këtë organizatë, pasi tashmë kanë shlyer 225 mijë euro borxh nga 292 mijë sa ka qenë në total. Ndërsa, lidhur me mungesën e mjekëve nëpër punkte shëndetësore, ai tha se edhe kjo situatë është meritë e pushtetit të kaluar, pasi sipas tij, kanë angazhuar përkthyes të gjuhëve shqip–serbisht në vend të punësimit të mjekëve.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

6 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar