Ferizaj

Shkëlzen Marevci sjell romanin ‘’E bardha që vret’’

Published

8 years ago

04 June, 2018

“E bardha që vret”, titullohet romani më i ri i autorit ferizajas Shkëlzen Marevci. Ky libër që sjell fakte shqetësuese për abuzimin me droga nga të rinjtë, pretendon parandalimin e kësaj dukurie negative, që sipas autorit, ka marrë përmasa të mëdha këndej. Marveci, njohës i fushës së sigurisë, tregoi se ky libër nëpërmjet personazheve të shumta jep shpjegime të mjaftueshme se si një i ri fillon të bëhet përdorues i drogës.

“Siç dihet vlerat e letërsisë ta jep mundësinë që ti me u shpreh më mirë sesa një libër puro hulumtues, megjithatë edhe pse ky është roman unë kam biseduar dhe jam takuar me narkomanë dhe familjarë të tyre, me psikologë e sociologë, me zyrtarë të policisë e me zyrtarë të borxheve. Arsyeja pse unë kam zhvilluar gjitha këto takime ka qenë pasi që një narkoman bie në dorë të të gjithë këtyre, e nëse nuk është as në burg e as në hetime është tek familja dhe personazhet dhe ngjarjet e këtij libri bazohen krejtësisht në fiksione letrare, ndërsa emocionet që ofron libri janë përjetime të vërteta tek ata që i kam pyet, pastaj i kam përkthyer me letërsi dhe po mendoj që ka dalë një roman i bukur e që ka elemente parandaluese’’, u shpreh Marevci.

Autori i romanit “E bardha që vret”, Shkëlzen Marveci, shprehet i shqetësuar për mosfunksionimin e trekëndëshit prind-shkollë dhe polici, për ta parandaluar këtë dukuri negative që tashmë, sipas tij, ka përfshirë moshat më të reja.

“Rinia diqysh ka mbet e lënë pas dore, shpeshherë gjatë debateve të mija dhe komunikimeve qoftë me krerë te policisë, qoftë ata të arsimit, me shoqëri civile e të tjerë, e kam vërejtur një tendencë e cila mundohet ta heq prej vetit përgjegjësinë për këtë dukuri, prandaj përmes këtyre faqeve kam shpjeguar më së miri se si mund të funksionon trekëndëshi mes familjes, policisë dhe drejtorive të arsimit. Ky është trekëndëshi që nëse funksionon qysh duhet niveli i parandalimit ka me u rrit shumë dhe të rinjtë kanë me jetu më sigurt nga kërcënimet e kësaj dukurie jashtëzakonisht shkatërruese për këtë kategori, por në radhë të parë renditet familja, por është koha që s’kemi fare luks që ta bartim këtë përgjegjësi tek tjetri, sepse besoni që sot për sot në Kosovën tonë të vogël rreziku më i madh për të rinjtë tanë është ky prej drogës”, tha Marevci.

Autori Marevci, tha se ky roman në radhë të parë u dedikohet moshave 13 deri në 20 vjeç, pastaj janë prindërit dhe zyrtarë të shkollave e organeve të rendit. Ai njoftoi se 90 për qind e librit do të shpërndahet falas, kryesisht nëpër biblioteka të shkollave, tek organet e rendit, si dhe në të tjera institucione. U bë e ditur se botim i këtij libri u mundësua nga komuna e Ferizajt.

Ferizaj

Siguria juaj fillon me zgjedhjen e duhur të sigurimit

Published

5 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

6 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.