Ferizaj

Bizneset ferizajase në hall me ndërprerjet e rrymës

Published

8 years ago

30 June, 2018

Ndërprerjet e shpeshta të energjisë elektrike, pa ndonjë paralajmërim nga KEDS-i, po shqetësojnë pronarët e bizneseve që operojnë përgjatë rrugës ‘’Dëshmorët e Kombit’’ në Ferizaj. Ata thonë se përveç dëmeve financiare, problemet me rrymë po u shkaktojnë edhe stres.

“Shumicën e kohës jena pa rrymë, sidomos në vikende, ma shumë se gjysma e ditës pa rrymë, po na paraqet probleme në punë se nuk po mundemi me i kry porositë, bëjmë ankesa çdo ditë, por s’po ki edhe ku me u anku, edhe dëme sa dush po më shkaktohet, shumë herë më është dashur me gjuajt komplet mishin se ka nejtë në frigorifer pa rrymë e më është dashur me gjujtë se s’muj t’i helmoj njerëzit”, tha Bujar Duraku, pronar biznesi.

“Ne si biznes jemi të dëmtuar, por edhe më shumë të nevrikosur pasi me fatura jemi zero dhe kjo po na bën me u ndi edhe më keq, pasi kjo pjesë ka shumë ndalje të rrymës, po dëmtohemi me aparatura, me kafe, mysafirët nuk ndihen mirë për shkak të gjeneratorit, sot nuk pati rrymë i thirra thanë që në ora 12:00 vjen për çudi erdhi në ora 11:00, para një jave në ora 09:00 është ndalur ka ardhur në orën 22:30, gjeneratori ke tu fluturu, çka me ba, nganjëherë po biem gati se në depresion, s’di ku është problemi”, tha Selman Selmani, pronar biznesi.

“Probleme shumë, zakonisht kemi probleme me makina e aparate që janë me rrymë, kohën e fundit e kanë rregulluar pak se më herët nuk ka qenë fare stabile, ka qenë rryma e dobët, kohën e fundit kam qenë thuajse numër një që kam thirrur në KEDS me marr informata se zgjatë reduktimi, por asnjëherë nuk marr përgjigje të saktë se sa zgjatë ndërprerja e rrymës”, tha Arben Misini, pronar biznesi.

Për të kuptuar arsyen e këtyre ndërprerjeve të shumta të energjisë elektrike, Televizioni Tema kontaktoi me udhëheqës të KEDS-it në Ferizaj, mirëpo nuk mori asnjë përgjigje.

Ferizaj

Siguria juaj fillon me zgjedhjen e duhur të sigurimit

Published

1 day ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

1 day ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.