Ferizaj

Klubi ”Kastrioti” me 3 përforcime

Published

8 years ago

30 August, 2018

Kiril Kolev e Pece Rajatoski nga Maqedonia dhe Marko Vidiç nga Kroacia, janë tre lojtarë që nga sot do të jenë pjesë e klubit të hendbollit “Kastrioti” në Ferizaj.

Kryetari i klubit të hendbollit “Kastrioti”, Lulzim Abazi, tha se me këta lojtarë që kanë qenë pjesë e ekipeve evropiane synojnë të korrin rezultate.

“Me këto tri përforcime që kemi sjellë në klubin tonë, kuptohet me mendimin e trajnerit që duhet të sillen në tri vende që kemi pasur mungesë në klubin tonë dhe në ato vende ku kemi pasur mungesë këta tre lojtarë do t’i plotësojnë ato vende dhe me faktin që jemi duke organizuar klubin në këtë formë qëllimi ynë është kupa e Kosovës dhe normalisht arena ndërkombëtare”, tha Abazi.

Ndërsa, lojtarët që do të luajnë për ”Kastriotin”-, thanë se do të japin më të mirën për t’i sjellur fitore këtij klubi.

“Para 10 vite kam qenë në Kosovë kam mbrojtur pak për ”Prishtinën” dhe e njoh klubin ”Kastrioti”, jam shumë i lumtur që jam pjesë e klubit dhe më kanë pritur shumë mirë, shpresojmë se do të punojmë mirë dhe do të jetë një vit i suksesshëm”, tha Kiril Kolev nga Maqedonia.

“Për herë të parë vijë në Kosovë, pritja ka qenë shumë e mirë, mbrëmë kam mbërri dhe shpresoj se do të jemi fitues”, tha Marko Vidiç.

“Për herë të parë jam në Kosovë, kam dëgju për lojtarët që kanë luajtur në këtë klub si dhe për vetë klubin, jam pritur shumë mirë, po shpresojmë se do ta kemi një kampionat të mirë pa lëndime, por të jemi edhe fitues”, tha Pece Rajatoski.

Ardhjen e këtyre lojtarëve në klub e mirëpritën edhe trajneri Verim Zherka dhe lojtarët tjerë të klubit ”Kastrioti”.

“Nga dita e parë që kam ardhë në krye të shtabit teknik kemi bërë analizën se çka na mungon prej përforcimeve dhe e pash që kishim nevojë për disa pozita që duhet patjetër që të përforcohemi dhe falënderoj kryesinë që nuk na i la ato mangësi, siç u tha jemi përforcuar me një bek të majtë nga Kroacia, me një portier që është ish-reprezantues i Maqedonisë dhe pika më kyçe që kemi pasur tek alo e djathtë që na ka munguar që një kohë të gjatë. Sa i përket planifikimit të transfereve ato pika ku kemi pas nevojë i kemi plotësuar, ndërsa kemi filluar përgatitjet që 1 muaj dhe djelmoshat janë duke dhënë maksimumin dhe mund të them që në klub është duke frymuar një frymë shumë profesioniste”, tha Zherka.

“Kemi filluar që 2 muaj, jemi duke ushtuar tani dy herë në ditë, ambiciet e klubit janë kupa dhe liga, si dhe në gara evropiane, jemi bashkëpunues mes vete dhe besoj se do të arrijmë”, tha Ben Syla.

“ Ushtimet i kemi filluar më 1 gusht, jemi të kënaqur me punën e trajnerit dhe synimet janë titulli dhe kupa”, Lulzim Shabani.

Shorti për kampionatin e ri të Kosovës në hendboll do të tërhiqet nesër, ndërsa do të nis më 15 shtator.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

3 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar