Me një pjesëmarrje të madhe të qytetarëve, të zyrtarëve lokal dhe qëndror, si dhe burrështetasve të Kosovës, nisën punimet për projektin “Bashkimi i Qytetit”. Ky investim që Ferizaj filloi ta realizoj kryesisht me buxhet të Qeverisë së Kosovës, u tha se do ta transformoj qytetin.
Kryeministri Ramush Haradinaj, tha se taksapaguesve ferizajas po u kthehen investimet e mëdha. Për Haradinajn, ky projekt flet më shumë sesa një investim.
“Shihne këtë punën e bashkimit, dikur kemi qenë larg, kemi qenë larg andej hekurudhe këndej hekurudhe, kemi qenë larg Dukagjin e Nerodime, Llap e Gollak e besa edhe me Tetovë e Shqipëri, por po e shihni që po afrohemi çdo ditë e më shumë, po na ofrojnë investimet dhe zhvillimet si dhe puna e vizioni jonë, si dhe sakrifica jonë për liri e pavarësi. Ne do ta vazhdojmë këtë vizion bashkë që sa më shpejt të jemi anëtarë të BE-së, por edhe anëtarë të NATO-s me ushtrinë tonë modeste”, tha Haradinaj.
Nga kjo foltore i pari i Qeverisë së Kosvës, u largua duke e dhënë edhe një gjysmë premtimi.
“Po tutna me thënë se nuk e mbulon menjëherë buxheti që kemi, por ju e dini ujëmbledhësin e Lepencit që ka mbetur një vepër në pritje, po po marrim guxim me përmend, sepse si spitali e projekti i sotit kemi me mbërri edhe aty”, tha Haradinaj.
Kryetari i Kuvendit të Kosovës Kadri Veseli, tha se dikur ky projekt ishte ëndërr për qytetarët e kësaj ane, ndërsa sot po dëshmohet që ky investim do të realizohet në Ferizaj.
“Kosova jonë po ndryshon siç po ndryshon Ferizaj. Po ecim vendosmërisht përpara në rrugëtimin evropian dhe rrugëtimin tonë që e kemi amanet nga ata që ranë në altarin e lirisë. Jemi të vetëdijshëm që ka edhe shumë gjëra për të bërë, jemi të vetëdijshëm që ende nuk kemi arrit perspektivën e të rinjve që po e kërkojnë në qytetin e vet dhe shtetin e vet. Unë thërras rininë e këtij vendi që të qëndrojnë në shtetin e tyre për ta ndryshuar atë, sepse kjo po ndodhë çdo ditë e më shumë. Ajo që sot po na nevojitet më së shumti është besimi tek njëri-tjetri, besimi për identitetin dhe shtetin të cilit i takojmë”, tha Veseli.
Kryetari i komunës së Ferizajt Agim Aliu, tha se “Bashkimit i Qytetit” do të jetë një projekt unik, pasi sipas tij, është i pari i këtij lloji në Kosovë. Aliu tha se kthimi i projekteve të tilla në Ferizaj përmes taksave publike është kthim i dinjitetit për qytetarin ferizjas si dhe për taksapaguesit më të shumtë në Republikën e Kosovës.
“Qytetarët e Ferizajt i gëzohen këtij projekti sepse nuk lidhet vetëm në transformimin urban të qytetit të Ferizajt, por mbi të gjitha lidhet edhe me vet sigurinë e qytetarëve të kësaj komune. Nuk janë të rralla rastet ku qytetarët tanë nga kjo hekurudhë kanë humbur jetën. Nga sot e tutje kjo nuk do të jetë, sepse ”Bashkimi i Qytetit” dhe projektet e tjera në të ardhmen do ta sigurojnë qytetarin tonë për kalueshmëri jo vetëm fizike të këmbësorëve, por tashmë edhe të automjeteve. Ne po e realizojme këtë projekt falë mbështetjes që e kemi nga Kuvendi dhe Qeveria e Kosovës“, tha Aliu.
“Bashkimi i Qytetit” është një projekt që Qeverisë së Kosovës do t’i kushtojë rreth 4 milionë euro. Punimet që nisën sot, sipas planit dinamik do të zgjasin dy vite.
Kosovë1 week ago
Ferizaj1 week ago
Kosovë6 days ago
Kosovë3 days ago
Arbëri3 days ago
Kosovë1 day ago
Ferizaj11 hours ago
Ferizaj11 hours ago