Ferizaj

Hapet poliklinika “Ferexim” në Ferizaj

Published

7 years ago

22 October, 2018

Në rrugën ”Ramadan Rexhepi” në Ferizaj, është hapur poliklinika private “Ferexim”, në të cilën do të ofrohen disa shërbime mjekësore dhe farmaceutike.

Pronari i kësaj poliklinike, Sahadi Maloku, tregoi shërbimet që do t’i ofroj kjo poliklinikë për qytetarët ferizajas.

“Kjo është poliklinika “Ferexim” dhe hapet së bashku me barnatoren “Ferexim”. Në poliklinikë do të punoj neuropsikiatri i fëmijëve që është rast i parë nëse nuk gabohem në Ferizaj, pastaj alergologu, mjeku familjarë dhe pediatri, pastaj do të punojnë edhe motrat ku do të mund të merren infuzionet, injeksionet, kontrollat, analizat laboratorike, po ashtu edhe shërbimet e barnatores”, tha Maloku.

Maloku, tha se synon që tek pacientët të sjellë siguri në marrjen e shërbimeve shëndetësore.

“Pacientët do të jenë të sigurtë se ne do t’u shërbejmë ndershmërisht me sigurinë më të madhe të barnave dhe me sinqeritet”, tha Maloku.

Në poliklinikën “Ferexim”, e cila u hap sot, janë punësuar 10 persona.

Ferizaj

Plagoset me armë zjarri një person në Ferizaj

Published

1 day ago

22 December, 2025

Redaksia

Një person ka mbetur i plagosur në Ferizaj, pasi është qëlluar me armë zjarri nga një person, i cili është në arrati.

Sipas raportit 24 orësh të Policisë së Kosovës, rasti ka ndodhur të dielën mbrëma, më 21.12.2025, rreth orës 23:43.

Në vendin e ngjarjes janë sekuestruar tre gëzhoja, ndërsa viktima është dërguar për trajtim mjekësor në Qendrën Klinike Universitare të Kosovës.

I dyshuari që është në arrati është i njohur për organet e rendit dhe po kërkohet nga njësitë policore.

Prokurori i rastit ka urdhëruar fillimin e hetimeve për veprën penale “Vrasje në tentativë”.

Ferizaj

Arrestohen tre të dyshuar për hajni në disa markete të Ferizajt

Published

4 days ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

1 week ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.