Ferizaj
KEDS: S’kemi shkop magjik për fshatrat e Ferizajt
Ndërprerjet e shpeshta të energjisë elektrike të cilat zgjasin me ditë të tëra, u kanë ardhur në maje të hundës banorëve të fshatrave Mirosalë, Sojevë, Zllatar, Fshat i Vjetër e Bibaj, të cilët duke mos duruar këtë gjendje, kanë vendosur tu drejtohen të gjitha institucioneve në vend, duke ua bërë me dije për gjendjen e padurueshme me të cilën po përballen thuajse çdo ditë.
Xhevat Sallahu, përfaqësues i fshatit Zllatar tha se dje kanë deponuar një ankesë në Kuvendin e Kosovës dhe në disa institucione të tjera të larta, përmes së cilës kanë kërkuar që atyre tu bëhet një zgjidhje, duke intervenuar në rrjetin e energjisë elektrike. Në të kundërtën banorët do të fillojnë me protesta duke bllokuar rrugët kryesore.
“Ne kemi dërguar një ankesë instiucioneve të nivelit qëndror e cila përmban shqetësimet tona dhe kërkesat tona të kahmotshme që kemi bërë për investime. KEDS, duhet të investojë në rrjetin e tensionit të lartë, që para lufte kemi pasur 4 trafo ndërsa tani kemi 30 trafo, që do të thotë se rrjeti i tensionit të lartë duhet të kalojë në 20 kV, pasi nuk mundet t’i përballojë dhe pas një ere të lehtë ne nuk kemi rrymë me ditë. Kjo gjendje ëhstë shumë e rëndë, poashtu edhe për bizneset që janë diku 120 biznese. Kërkesa kryesore është të ketë investime në rrjetin e tensionit të lartë dhe atë të ulët, dhe mos të kemi më probleme të tilla. Më 10 prill kemi mbetur 42 orë pa energji elektrike” – tha Sallahu.
Zyrtarë të lartë të KEDS-it, të cilët sot në Ferizaj kishin ardhur jo për të rregulluar rrjetin e fshatrave në hall, por për të mbjellur drunj të paqes, thanë se kjo kompani tashmë ka investuar mjaft shumë në Ferizaj dhe në këto 5 fshatra. Ata deklaruan se KEDS-i nuk ka një shkop magjik për të bërë mrekullira në afate rekorde.
“Për disa dekada nuk është investuar në atë pjesë nga askush. Ne me të ardhur, kemi filluar investimet masive në qytet dhe në fshatra, por ne nuk e kemi shkopin magjik që të gjitha çështjet t’i rregullojmë për 6 vjet. Edhe në atë pjesë kemi bërë përforcimin e rrjetit, poashtu edhe gjatë kësaj kohe do të punojmë për përforcimin e rrjetit dhe në një të ardhme jo të largët do të bëjmë riparimet e nevojshme. Është proces që do të adresohet, ne sigurisht i kemi prioritetet e kompanisë dhe prioritet për ne është numri më i madh i konsumatorve dhe gjendja më e keqe. Sigurisht se edhe asaj pjese do t’i vijë rendi. Nuk mund të themi sot ose nesër, është në proces dhe do të investohet edhe aty. Thashë edhe më herët, ka pasur investime aty, por do të ketë edhe kohës në vijim në një kohë të shkurtër dhe do të hyjmë me investime edhe aty, në një kohë jo shumë të largët” tha zëdhënësi i KEDS-it Viktor Buzhala.
Për të shënuar ditën e planetit tokë, menaxhmenti i lartë i KEDS-it, së bashku me nxënës të gjimnazit “Kuvendi i Arbërit”, sot kanë mbjellur lule dhe drunj dekorativ në oborrin e kësaj shkolle të mesme të Ferizajt .
Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.
Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.
“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.
Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.
Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.
Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.
Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.
Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”
-
Kosovë1 week agoNjë punëtor humb jetën nga rrokullisja e kamionit në Meqë të Gjakovës
-
Kosovë1 week agoVeterani i UÇK-së mbërrin në Kosovë pas lirimit nga paraburgimi në Serbi
-
Ferizaj5 days agoSekuestrohet një revole me municion dhe shurdhues në Ferizaj
-
Kosovë1 week agoUlutash: Situata e sigurisë e brishtë, me potencial për tensione të reja në veri të Kosovës
-
Ferizaj2 days agoVdekja e foshnjës në Ferizaj: Rasti po hetohet si “vrasje e foshnjës gjatë lindjes”
-
Kosovë5 days agoKEDS-i gjobitet përsëri me mijëra euro për parregullsi me njehsorë elektrikë
-
Kosovë1 week agoAfati i fundit për zgjedhjet e reja më 7 qershor
-
Kosovë2 days agoBastisje në disa qytete për keqpërdorim detyre dhe ryshfet
-
Kosovë3 days agoGjykata Speciale: Vendimi ndaj ish-krerëve të UÇK-së është shtyrë për të paktën dy muaj
-
Kosovë1 week agoBE: Keqardhje që partitë në Kosovë s’gjetën një figurë unifikuese për president
-
Ferizaj17 hours agoNjë muaj paraburgim të dyshuarve për mashtrim me kriptovaluta në Ferizaj