Ferizaj

Ferizaj përfiton grant nga Fondi për Ballkanin Perendimor

Published

6 years ago

25 May, 2019

Fondi për Ballkanin Perëndimor dje në Tiranë ka nënshkruar marrëveshje për përkrahje të 24 projekteve të dedikuara për turizëm dhe ruajtje të trashëgimisë kulturore, e përfituese e njërit grant ishte edhe Komuna e Ferizajt.
Zëdhënësi Selim Marevci, i cili ishte pala nëshkruese në emër të Komunës së Ferizajt tha se ky projekt do të zbatohet mes Komunës së Ferizajt, Çairit të Maqedonisë Veriore dhe Cetinjes së Malit të Zi, pasi për të qenë përfituese e këti granti, është kriter të bashkëpunohet me komuna të tjera.

“Thirrja publike ka filluar në nëntor të vitit të kaluar aplikimi ka qenë në fund të dhejtorit dhe kemi aplikuar në fushën e trashëgimisë kultuorre dhe asaj mjedisore, sepse kanë qenë dy fusha të tjera e arsimit dhe në kaudër të shoqrisë civile, por ne e kemi parë të udhës që të aplkiojmë në fushën e trashëgimisë dhe të mjedisit, jemi partenere së bashku me komunën e Çairit dhe të Cetinjes . Jemi komunë priotare pasi i kemi ftuar dy komunat e tjera që të na bashkangjiten, pasi fondet ndërkombëtare kanë kriter që komunat të jenë bashkëpuneuse me komunat kufitare që e rrethojnë. Shumë shpejtë pritet të fillojë ky projekt, dhe kjo do ti paraprijë takimit të kryetarit të komunës së bashku me dy kryetarët e komunave të Cetinjes dhe Çairit” – u shpreh Selim Marevci.

Sipas Marevcit, Komuna e Ferizajt është komuna e parë në rajon që është fitues e këti granti.

“Është Komuna e Ferizajt nga të gjitha vendet anëtare të fondit ballkani perëndimor, të Serbisë, Maqedonisë, Malit të Zi, Bosnjës, Shqipërisë dhe Kosovës, është komuna e vetme si institucion përfituesja e këti fondi, dhe ishte privilegj jo vetëm për komunën e Ferizajt por edhe shtetin e Kosovës“,- tha Marevci.

Përndryshe shuma e përgjithshme e fondeve që ndahen nga Fondi i Ballkanit Perëndimor për projektet që u ndanë dje në Tiranë arrin vlerën 260.000 euro.
Fondi për Ballkanin Perëndimor ka për qëllim të mbështesë projekte të përbashkëta rajonale në sferën e kulturës, arsimit, shkencës dhe zhvillimit të qëndrueshëm por edhe projekte që kanë të bëjnë edhe me temat si barazia gjinore dhe të rinjtë, ndërsa risi e këtij viti ka qenë futja e elementit të mbështetjes fincanciare edhe për media.

Ferizaj

Aktakuzë ndaj dy personave për vrasjen e kryer vjet në Bibaj të Ferizajt

Published

10 hours ago

18 July, 2025

Redaksia

Prokuroria Themelore në Ferizaj ka ngritur aktakuzë kundër F.R., dhe J.M., nga Ferizaj, për vrasjen e një personi në oborrin e një salle dasmash në Bibajt të Ferizajt, më 16 gusht 2024.

Sipas prokurorisë, i akuzuari F.R ,me dashje dhe me qëllim të hakmarrjes, e ka qëlluar me breshëri plumbash viktimën S.S., duke e lënë të vdekur në vend, kurse J.M. akuzohet për ndihmë në këtë vrasje.

“Ekziston dyshimi i bazuar “se i pandehuri F.R., më 16 gusht 2024, rreth orës 19:21, në parkingun e restorantit “Fron Palace”, në fshatin Bibaj, komuna Ferizaj, gjatë një ceremonie martesore, me dashje dhe paramendim, me qëllim hakmarrjeje për motive të pretenduara familjare të pabazuara dhe të pakonfirmuara juridikisht, në prani të dhjetëra personave përfshirë të mitur, me armë zyrtare automatike të policisë, me dashje dhe qëllim të privimit nga jeta, me breshëri plumba shtien në drejtim të viktimës S.S., duke e privuar nga jeta, ku, si pasojë e të shtënave është rrezikuar seriozisht edhe siguria e personave tjerë të pranishëm në atë moment, me këtë veprim kreu veprën penale të ”Vrasjes së rëndë” nga neni 173 paragrafi 1, nën paragrafi 1.8 dhe 1.11 të Kodit Penal të Republikës së Kosovës.” – thotë Prokuroria.

Kurse, J.M., akuzohet se me dashje e ka ndihmuar policin në privimin nga jeta të viktimës S.S., ashtu që i pajisur me mjet të forta, ka mbrojtur perimetrin e sulmit dhe ka parandaluar çdo ndërhyrje, në mënyrë që i akuzuari F.R., të realizonte pa pengesë veprën penale të vrasjes së rëndë.

Ferizaj

Policia e Ferizajt pezullon 20 patentë shoferë brenda një jave

Published

4 days ago

14 July, 2025

Redaksia

Policia Rajonale e Ferizajt ka njoftuar se gjatë javës së kaluar, nga data 07-13.07.2025, janë shqiptuar 1,681 gjoba kundërvajtëse, si dhe janë pezulluar 20 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe janë regjistruar gjithsej 40 aksidente, nga të cilat 22 aksidente me lëndime, ku kanë mbetur të lënduar 29 persona kurse 18 aksidente ishin vetëm me dëme materiale

Policia Rajonale e Ferizajt bëri të ditur do të vazhdojë me aktivitete të shtuara për të parandaluar aksidentet derisa ka apeluar tek të gjithë drejtuesit e automjeteve që të respektojnë rregullat e trafikut.

Ferizaj

Zbulohen pesë emigrantë në një kamion në Terminalin Doganor në Ferizaj

Published

6 days ago

12 July, 2025

Redaksia

Policia e Kosovës ka gjetur 5 emigrantë të paligjshëm në një rimorkio kamioni në Terminalin Doganor në Ferizaj.

Sipas policisë, tre nga emigrantët e zbuluar janë të moshës 17 vjeç, një 18 vjeç dhe një 28 vjeç.

“Sot, më datë 11.07.2025, rreth orës 16:00, policia ka pranuar një informatë se në Terminalin Doganor, në rrugën “Driton Islami” në Ferizaj, në një rimorkio të një kamioni me targa vendore, sipas zyrtarëve doganorë, dyshohej se ndodheshin disa emigrantë të paligjshëm.

Menjëherë pas pranimit të informacionit, në vendngjarje kanë dalë njësitë reaguese dhe Njësia e Hetimeve nga stacioni policor në Ferizaj. Pas hapjes së bllokadave të rimorkios, janë hasur pesë emigrantë: tre prej tyre 17 vjeç, një 18 vjeç dhe një 28 vjeç, të cilët nuk posedonin dokumentacion identifikues.

Lidhur me rastin janë njoftuar prokurori kujdestar dhe njësia për migrim, të cilët kanë dalë në vendin e ngjarjes dhe kanë marrë në trajtim të mëtejshëm të dyshuarit, si dhe drejtuesin e kamionit, shtetasin kosovar B.B., 38 vjeç.” thuhet në njoftimin e policisë.