Ferizaj

Autostrada “Arbën Xhaferi” nga sot “on-line”.

Published

7 years ago

29 May, 2019

Pas 5 vitesh të punës intenzive me një kosto prej afro 700 milionë Eurosh, në Han të Elezit u mbajt ceremonia e lëshimit në punë autostradës ”Arbën Xhaferi”, një gjiganti infrastrukturor të Kosovës, rrugë e cila afron edhe më shumë Kosovën me Maqedoninë dhe me vendet e tjera të rajonit. Kryeministri i vendit, Ramush Haradinaj në fjalimin e tij të rastit para kolegëve të tij nga rajoni, tha se Kosova po ec guximshëm me infrastrukturë,dhe kjo autostradë do t’i jep pamje të re rajonit, ashtu sikurse pritet ti jep edhe autoudha e Dukagjinit, ndërtimi i së cilës pritet të nis së shpejti.

“Kjo rrugë na afron me njëri tjetrin dhe na bashkon me Evropën. Kjo i jep një pamje të re jo vetëm Kosovës, por dhe rajonit. Shpresoj që bashkë me mikun tim, Zoran Zaev së bashku të takohemi në anën tjetër për të përuruar pjesën e Maqedonisë së Veriut. Janë pare të taksapaguesve, dhe ju garnatojmë se është bërë kujdes që ky investim të jetë në përputhje me obligimet ligjore. Kemi pasur pak pengesa, por kemi realizuar qëllimin, nuk jemi ndalur, pasi është njëra nga veprat më të bukura në Ballkan”, tha kryeministri Ramush Haradinaj.

Ndërsa në fjalën e tij kryeministri i Maqedonisë së Veriut Zoran Zaev, i cili ishte prezent në këtë ceremoni, tha se madhështinë kësaj vepre infrastrukturore po ia jep emri i intelektualit të madhë Arbën Xhaferi.

“Autostradën të cilën po e përurojmë sot, mban emrin e të madhit Arbën Xhaferi, njërit nga personalitet tona më të shquara që nga pavarsimi i vendit tonë. Njëri nga personalitet e shquara që dha kontribut të madh për ndërlidhjen dhe bashkimin e regjionit që përbëhet nga vende të pavarura të cilat respektohen mes vete, që ndajnë bashkarisht të kaluarën në emër të së ardhmes së përbashkët evropiane. Kjo artiere moderne rrugore nga sot po bëhet pjesë e sistemeve të autostradave që e bëjnë regjionin tonë më të ndërlidhur, më të afërt dhe më miqësor. Kjo autostradë do të jetë nyje qarkullimi që do të mundësojë shkëmbin e shpejtë, të sigurt dhe të drejtpërdrejtë të mallrave dhe njerëzve, duke forcuar pozitën e Kosovës në mesin e top 20 vendeve me qarkullimin më të madh me Maqedoninë e Veriut“, tha në fjalimin e tij kryeministri maqedono-verior Zaev.

Kurse Kryeministri malazez Dushan Markoviq tha se projekte të tilla tregojnë vizionin e një vendi për të ardhmen e tij.

“Mali i Zi i gëzohet këtij projekti, sepse pos që do ta afrojë Malin e Zi me Kosovën, kjo autrostradë do ti afrojë edhe qytetarët e Maqedonisë dhe të Kosovës me Malin e Zi. Pra, ky projekt krijon mundësi të reja të përafrimit edhe është projekt për gjeneratat e së ardhmes” – u shpreh kryeministri Markoviq.

Në inagurimin e autostradës “Arbën Xhaferi”, ambasadori amerikan në Kosovë, Philip Kosnnet, tha se ndërtimi i kësaj rruge, dëshmon përkushtimin dhe bashkëpunimin e kompanive amerikano-turke për realizimin e projekteve të mëdha infrastrukturore, bashkëpunim ky që duhet të vazhdojë edhe në të ardhmen tha Kosnnet.
Vlen të theksohet se gjatë ditës së djeshme Qeveria e Kosovës ka vendosur të bëjë ndërhyrje shtesë në autostradën “Arbën Xhaferi”, duke shtuar edhe kyçjet e reja të Ferizajt dhe Vitisë, si dhe një mbikalim i ri në fshatin Paldenicë të Hanit të Elezit, punë që do të realizohen në vitin 2020.

Ferizaj

Siguria juaj fillon me zgjedhjen e duhur të sigurimit

Published

9 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

9 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.