Ferizaj

Kush po e përçan LDK-në e Ferizajt?

Published

7 years ago

30 May, 2019

Fërkimet e rrymave mbrenda LDK-së po aterrojnë edhe nëpër nëndegët e fshatrave të Ferizajt.
Grushtat që kanë kërcitur mbrëmë në kuvendin e nëndegës së kësaj partie në fshatin Koshare të Ferizajt, bënë që një person të kërkojë trajtim mjeksor ndërsa katër të tjerë të “buajnë” për një natë në stacionin policor të Ferizajt.
Kryetari i nëndegës së kësaj partie në Koshare, Valon Halimi thote se nismëtar i kacafytjeve ishte Hajrullah Ademi dhe persona të tjerë, të cilët ishin nxitur nga kundërshtarët e Svarqës në garën për të parin e LDK-së së Ferizajt.

“Ne dje më 29-tin e kemi pasur një thirrje për mbajtje të kuvendit për zgjedhjen e strukturave të LDK-së në Koshare, nëndegë e cila që 10 vite rresht që kur jam unë kryetar është fituse absolute e zgjedhjeve. Ky problem që ishte mbrëmë nuk ishte një problem që mund të thirret madhor, por portalet dhe ndikimet e personave që ishin të involvuar në atë rast ishin me interesim dhe ndikim të njerëzve të strukturave të degës të cilët po përdorin njerëz të ndyrshëm për të arritur qëllimet e veta personale në LDK. Problemi ka ardhur nga ish-kryetari i degës, i cili nuk mund ta përballonte një sukses timin por edhe për ngjarjet e tjera në fshat është i njejti person, por LDK-ja do të tejkalojë këtë. Ai nuk është në struktura të nëndegës, ne kishim takim me njerëz të ngusht të strukturës, dhe gjithë ajo masë ka ardhur për 24 orë që nuk janë pjese e LDK-së e as votues, por që kanë ardhur për të bërë llugë dhe për të ulur kredibilitetin e LDK-së dhe timin. Tani kanë filluar të krijohen pasi dy-tre individ kanë filluar t’i shfaqin kandidaturat e tyre nëpër nëndegë dhe të bëjnë politizimin e tyre, unë mendoj që ata duhet të bartin përgjegjësin për krijimin e këtyre incideneteve “, deklaroi Valon Halimi.

Në anën tjetër, ish-kryetari i nëndeges së LDK-së në Koshare, Hajrullah Ademi thotë se për trazirat e krijuara fajtori kryesor është kryetari i degës Muharrem Svarqa.

“Nuk ka qenë mirë me ndodhë, por është bërë tani dhe jo me fajin tonë por të Muharrem Svarqes dhe Valon Halimit, të cilët kanë dashur ta bëjnë fshehtas. Muharrem Svarqës i’a ka marrë menja që e ka elektoratin dhe që ka realizu projekte aty gjysa të rrejshme. Mbi 85% aty që janë kanë, kanë qenë kundër Svarqës dhe Halimit. Një është lënduar aty Ridvan Qerimi. Aty gjendjen e ka acaru Muharrem Svarqa me fjalorin e tij qysh është mësu më fol, duke mendu që po jep ligjerata në universitet dhe ka bërë fushatë. E ka parë Valoni që nuk i ka të vet dhe vëllau i Valonit është çu, shihet edhe në video, kryesorja Muharrem Svarqa e ka bërë këtë tollovi me Valon Halimin“, deklaroi Ademi.

Kryetari i degës së LDK-së, Muharrem Svarqa, thotë se kuvendi zgjedhor në Koshare nuk u mbajt pasiqë, sipas tij është tejkaluar numri i pjesëmarrësve për një kuvend të rregullt.

” Realisht aty nuk është mbajt kuvend por në vend të Kuvendit ka pas një tubim të anëtarësisë të LDK-së, i cili tubim do duhej që sipas bazës statutare të bënte konstituimin e kuvendit, meq që ishin mbi 100 persona, sepse me statutin e LDK-së deri në i 100 anëtarë janë të gjithë anëtarë të kuvendit, ndërkaq nëse ka më shumë se 100 të pranishëm atëherë ata bëjnë përzgjedhjen e 31-35 anëtarëve të kuvendit sipas nenit 4 të rregullores për zgjedhjet e nëndegëve. Meqë ata nuk kishin gadishëmri për të konstituar kuvendin në pajtim me kryetarin e degës Valon Halimi u rrit pajtueshmëria për prolongimin e atij kuvendi për një ditë tjetër, ndërsa incidentet që kanë ndodhë më vonë unë nuk kam qenë i pranishëm në atë kohë”, – tha Svarqa.

Svarqa e mohoi të ketë qënë prezent gjatë kohës së kacafytjes në Koshare, mirëpo në një video amatore që qarkulloi mbrëmë nëpër rrjete sociale, shihet se kryetari i degës së LDK-së ishte prezent gjatë pjesës më të madhe të kohës gjersa po ndodhte rrahja brenda klasës shkollore. Ndryshe, në zgjedhjet e brendshme të LDK ishin shënuar probleme edhe në Mitrovicë më 19 Maj, kur persona nga dy grupe rivale nuk kishin kursyer as grushtat në ambiciet për të marrë kontrollin e degës së kësaj partie në qytetin e minatorëve.

Ferizaj

Premiera e dramës“Kush është Silvia?” shfaqet të premten në Teatrin e Gjilanit

Published

4 days ago

15 May, 2026

Redaksia

Shfaqja teatrore “Kush është Silvia?” do të ketë premierën këtë të premte, më 15 maj 2026, nga ora 20:00 në Teatrin e Qytetit në Gjilan.

Shfaqja është realizuar sipas dramës “The Goat, or Who is Sylvia?” të autorit Edward Albee,ndërsa përshtatjen dhe dramaturgjinë e ka bërë Fjona Hyseni.

Regjinë e shfaqjes e ka bërë regjisori ferizajas Fatmir Hyseni kurse në role paraqiten Dardane Mehmeti, Kushtrim Qerimi, Xhelal Haliti dhe Valentin Mehmeti.

Organizatorët kanë njoftuar se, përveç premierës së sotme, publiku do të ketë mundësi ta ndjekë edhe reprizën e shfaqjes të shtunën, nga ora 20:00.

Projekti është mbështetur nga Ministria e Kulturës, Rinisë dhe Sportit, ndërsa në realizim kanë ndihmuar edhe Teatri i Qytetit në Gjilan dhe Teatri Adriana i Ferizajt.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

2 weeks ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

2 weeks ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”