Ferizaj

QKMF ofron mamografi falas gjatë muajit tetor

Published

7 years ago

02 October, 2019

Muaji tetor njihet si muaji i sensibilizimit kundër kancerit të gjirit. Sipas hulumtimeve, një nga tetë gra diagnostikohet me kancer të gjirit, i cili është kanceri më i shpeshtë tek gratë dhe që mund të paraqitet në çdo moshë, por shumica e rasteve janë tek gratë në moshë mbi 45 vjeç.

Kirurgu ferizajas Xheladin Reçica, duke treguar shenjat e para të kancerit të gjirit, tha se kjo sëmundje mund të luftohet dhe mund të shërohet në rastet kur kapet në fillimet e saj.

“Femrat duhet të dinë si ta zbulojnë më herët këtë sëmundje, pasi zbulimi i hershëm i sëmundjes është i barabartë me shërimin e plotë. Tumori i gjirit është i prekshëm gjatë kontrollimeve rutinore dhe është me rëndësi me zbulu tumorin me madhësi nën 1 centimetër. Është një sindromë e hershme në të cilat tumori shkakton dhembje në nyje, në eshtra dhe shpesh femrat mjekohen për shkak tyre, ndërsa më vonë zbulohet se shkakatar kryesor i këtyre dhembjeve ka qenë kanceri i gjirit, por simptoma kryesore është tumori në gji dhe ajo preket, kemi raste kur ka rrudhosje të lëkurës, raste kur përmes mamillës ka gjakosje, ka raste kur njëri gji është më i rritur se tjetri, por kemi edhe raste të ndryshme, por kryesorja është prekja e tumorit në gji”, tha Reçica.

Reçica, thotë se përveç fushatave sensibilizuese, shteti duhet të bëj më shumë për këtë sëmundje.

“Nënat dhe gratë janë duke bërë mjaft në zbulimin e sëmundjes, por ne si shtet duhet të mendojmë më shumë për to dhe ta zbulojmë sëmundjen kur është në fazë fillestare e jo veç kur është e prekur më tumor, prandaj kjo duhet të shkoj përmes Ministrisë së Shëndetësisë, Fakultetit të Mjekësisë, të bëhen programe të posaçme të zbulimit të hershëm të kancerit të gjirit dhe ajo është faktikisht edhe shërim i plotë i kësaj sëmundje”, tha Reçica.

Kurse, në Qendrën Kryesore të Mjekësisë Familjare në Ferizaj, nuk kanë të dhëna se sa është numri i femrave të prekura me kancerin e gjirit në këtë komunë, pasi informatat e tilla, sipas tyre, i mban Onkologjia, por thonë se në gjashtë mujorin e parë të këtij viti janë kryer afër 420 shërbime diagnostike.

Xhevdet Haxhidema, shef i diagnostikës në Qendrën Kryesore të Mjekësisë Familjare, tha se mamografi është në dispozicon çdo ditë dhe se nuk ka listë të pritjes.

“Unë u kisha bërë thirrje të gjitha grave, nënave të komunës së Ferizajt, por edhe rajonit, që nëse ndjejnë vetën që kanë ndonjë problematikë që ka të bëj me gjirin të afrohen tek mjeku familjar apo torakal, pastaj me një raport qoftë të mjekut familjar mund të ofrohen shërbimet diagnostike dhe të bëjnë mamografinë. Nuk ka lista të pritjes, maksimumi që i bie të pres për të marrë ekzaminim është 2-3 ditë, por ka raste edhe që kryhet brenda ditës. Mamografi është tek objekti që është i vendosur, rentgeni mjafton me u paraqitë atje dhe është lista regjistrohen, pasi ta bëjnë mamografinë bashkë me imazhin e mamografisë ato paraqiten tek radiologia dhe ajo shoqërohet si ekzaminim bashkë edhe me një eho të gjirit dhe merren të dhënat nga dy ekzaminimet dhe merret një raport i përbashkët nëse vërehen ndryshime referohen tek mjeku për trajtim të mëtutjeshëm”, tha Haxhidema.

Gjatë këtij muaji të ndërgjegjësimit për luftën kundër kancerit të gjirit, mamografia në QKMF-në e Ferizajt do të bëhet pa pagesë, derisa muajve të tjerë ky shërbim kryhet me një çmim prej 6 eurosh.

Ferizaj

Siguria juaj fillon me zgjedhjen e duhur të sigurimit

Published

3 hours ago

09 July, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Ferizaj

Arrestohet një i mitur në Ferizaj, i dyshuar për kanosje dhe armëmbajtje pa leje

Published

5 hours ago

09 July, 2026

Redaksia

Policia në Ferizaj ka arrestuar një 16 vjeçar nën dyshimin se ka kanosur dy persona me armë zjarri.

Sipas njoftimit të Policisë, rasti është raportuar më 08.08.2026, rreth orës 23:40. Në vendngjarje janë personat e përfshirë në incident. Në stacionin policor janë shoqëruar dy viktimat dhe një person i dyshuar.

Gjatë kontrollit, tek i dyshuari F.A. (16 vjeç) është gjetur një pistoletë me gaz dhe 6 fishekë.

Lidhur me rastin janë intervistuar dy viktimat, ndërsa personi i dyshuar, për shkak se ndodhej nën ndikimin e alkoolit, nuk ka qenë në gjendje të intervistohej.

Me vendim të prokurorit të shtetit, i dyshuari është ndaluar për 24 orë dhe ndaj tij është iniciuar procedura hwtimorw për veprat penale “Kanosje” dhe “Mbajtje në pronësi, kontroll ose posedim të paautorizuar të armëve.”

Ferizaj

Shkaku i asfaltimit bllokohet qarkullimi në rrugën Brezovicë – Prevallë

Published

5 hours ago

09 July, 2026

Redaksia

Për shkak të punimeve në rrugën R115, segmenti rrugor Brezovicë – Prevallë, mbyllur për qarkullim nga ora 08:00 deri në ora 18:00 të ditës së sotme (9 korrik 2026).

Në njoftimin e Ministrisë së Infrastrukturës bëhet e ditur se gjatë kësaj kohe është planifikuar asfaltimi i një segmenti rrugor në gjatësi prej 1,050 m.

“Mbyllja e përkohshme e këtij segmenti është e domosdoshme për garantimin e sigurisë së pjesëmarrësve në trafik dhe të personelit të angazhuar në punime, si dhe për të siguruar realizimin cilësor të shtresës së asfaltit”, thuhet mes tjerash në njoftim.

Ndërkaq policia, kërkon nga qytetarët mirëkuptim dhe kërkon që të shmangin lëvizjen në këtë rrugë në kohën e lartcekur duke shfrytëzuar rrugët alternative.