Ferizaj

Furra ”Orex” hapet edhe në Kaçanik

Published

7 years ago

02 December, 2019

Pika më e re e furrës së bukës “Orex” kësaj radhe u hap në Kaçanik. Pronari i kësaj furre, Elmaz Çoçaj, tha se e kanë parë të nevojshme hapjen e furrës edhe në Kaçanik, e cila përpos llojeve të ndryshme të bukës, ofron edhe lloje të ndryshme të ushqimeve.

“Ne si biznes i përqendruar dhe me qendër në Ferizaj para disa viteve e kemi bërë hapjen në Prizren dhe e kemi parë të rrugës, duke i parë kërkesat dhe lidhshmërinë në mes Kaçanikut dhe Ferizajt, e kemi parë të arsyeshme që ka nevojë për një pikë të ”Orex”-it edhe këtu në Kaçanik dhe edhe siç e keni parë edhe ju, nuk besoj që kemi gabuar. Janë orët e para, por megjithatë puna e mirë shihet në mëngjes thonë tek ne. Ne këtu në Kaçanik kemi ardhur edhe me produkte më tepër, e kemi pjesën e picave, torteve edhe të gjitha llojet e produkteve që i mbajmë në pika të ”Orex-”it, por për qytetin e Kaçanikut është një risi duke e parë mungesën e furrëtarëve, kemi dikund rreth 80 produkte që I kemi sjellur në pikën e re këtu në Kaçanik”, tha Elmaz Çoçaj.

Ndërsa, sa u përket kërkesave për punësim, pronari i furrës thotë se interesimi ka qenë shumë i madh.

”Të them të drejtën ka qenë një kërkesë e lartë për dallim nga Ferizaj, ndryshon shumë me Ferizaj, jemi munduar të zgjedhim më të mirët, kemi filluar me një staf normal nga 16 dhe të shohim si shkon”, tha ai.

Hapjen e kësaj furre e mirëpritën banorët e kësaj ane.

“Shumë mirë e kemi pritur, shumë mirë. Ka qenë shumë e nevojshme. Më afër jemi, më lehtë tash”, tha Besnik Berisha nga Kaçaniku.

Kjo është pika e gjashtë e furrës “Orex” në Kosovë.

Ferizaj

Në Ferizaj raportohen katër bankënota të dyshuara nga 500 €

Published

1 day ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

1 day ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.