Arsim

Për 8 orë nuk ofrohet asnjë shërbim mjekësor në Ferizaj

Published

4 years ago

13 December, 2019

Nxënësit janë nëpër klasa, por mësimdhënësit po qëndrojnë në sallën e arsimtarëve, pasi janë duke respektuar grevën dyorëshe të thirrur nga Sindikata e Arsimit, e Shkencës dhe e Kulturës.

Kryetari i SBASHK-ut në Ferizaj, Rexhep Sadiku, tha se në të gjitha shkollat e kësaj komune është respektuar vendimi për grevë. Ai tha se vendimi i Gjykatës Kushtetuese për ta pezulluar Ligjin e Pagave deri në mars, ka krijuar indinjatë edhe më të madhe tek punëtorët arsimor.

“Është zhvilluar procesi sipas skenarit të paraparë të grevës, përndryshe ka pasur unitet mes punëtorëve dhe nuk ka pasur anashkalim të marrëveshjes sonë që sot t’i mbajmë dy orë grevë. Sot punëtorët janë edhe më të indinjuar pasi Gjykata Kushtetuese e tërhoqi ligjn deri në mars dhe tani ka krijuar një gjendje psikologjike dhe ka lënë hapësira për një kaos të mundshëm që mund të ndodhë“, tha Sadiku.

Në grevë sot ishin edhe mjekët. Përveç Emërgjencës në asnjë repart shëndetësor në Ferizaj nuk është kryer asnjë shërbim përgjatë 8 orëve. Kryetarja e Sindikatës së Shëndetësisë në Rajonin e Ferizajt Tevide Imeri, tha se në Ferizaj greva ka qenë e qetë, por pa incidente nuk ka kaluar Qendra Kryesore e Mjekësisë Familjare në Shtime.

“Në Ferizaj ka shkuar mbarë nuk ka pas asnjë incident, por në QKMF në Shtime ka qenë një, ku është sulmuar laboratori, nuk ka lëndim tek punëtorët as tek pacientët, por është dëmtuar laboratori i QKMF-së, shpresoj të mbyllet greva pa asnjë incident tjetër”, tha Imeri.

Imeri edhe Sadiku, thonë se vendimi i Gjykatës Kushtetuese, brenda një kohe kaq të shkurtër lë të kuptohet se këtu ka gisht politika.

“Na ka befasuar krejtve se si Gjykata u tregua kaq azhur e kaq e shpejtë me marrë me pezullu Ligjin për Paga në afat rekord duke shkelur kështu afatin e vet që i ka dhënë kryeministrit, ia ka dërgu për me dhënë sugjerime dhe afatin e vet e ka pasur deri më 27 dhe as atë nuk e ka respektuar, prandaj kjo është pure politike, është e qartë se këtu ka gisht politika”, tha Imeri.

“Është irrituese kur Gjykata Kushtetuese në formë shumë urgjente merr këtë hap dhe kjo lë për të kuptuar se këtu ka intervenuar faktori politik, por cilat subjekte apo grupacione janë prapa do të dalin në pah”, tha Sadiku.

Përfaqësues të Sindikatës së Arsimit dhe të Shëndetësisë në Ferizaj, thanë se ditëve në vijim do të merret vendim se si do të veprojnë tutje , të ndalin grevën apo të hynë në grevë të përgjithshme.

Arsim

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.