Ferizaj

”Star Graf” edhe në Bruksel

Published

7 years ago

07 January, 2020

Njëra ndër shtypshkronjat e Ferizajt është edhe ajo ”Star Graf” në të cilën shtypen formularë adiministrativ, revista, gazeta, libra, romane e të tjera. Njëri ndër përfaqësuesit e kësaj shtypshkronje, Besim Dinolli, thotë se gjatë këtyre viteve përvojat kanë qenë të ndryshme. Ai tha se teknologjia që përdorin sot është shumë më e avansuar në krahasim me atë të vjetrën.

“Atëherë dhe tash ka ndryshime të mëdha, domethënë ka qenë një kohë kur ana profesionale ka qenë shumë e dobët, zero. Ana e sigurisë ka qenë po ashtu shumë e rëndë dhe tash është një përvojë shumë e mirë ku siguria është shumë në nivel domethënë vetëm kërkohet puna të bëhet siç duhet. Në atë kohë kemi startuar me një kompjuter, një makinë të shtypit “off set gto”, për kohën kanë qenë shumë të mira dhe sot ende funksionojnë, por është me një nivel shumë më prapa, tash punohet me një teknologji komplet ndryshe digjitale, shumë moderne, teknologji e kohës. Tani në kohën e fundit është në trend edhe reklama 3D, me ndriçime punohet, me tapeta të murit, janë pak më aktuale këtyre ditëve, jemi duke u munduar të jemi në trend me Evropën, punët e njëjta dhe teknologjinë e njëjtë”, tha Besim Dinolli.

Edhe pse ”Star Graf” nga viti i kaluar ka hapur edhe një pikë në Bruksel të Belgjikës, Dinolli thotë se do të ruajnë traditën e punës në tregun vendor.

“Ne do ta ruajmë traditë, do të ruajmë tregun vendor sepse nga Ferizaj jemi nisur dhe me para të këtyre qytetarëve kemi arritur këtu ku jemi dhe mendojmë të vazhdojmë. Synimi ynë është të ruhet kjo pikë këtu, por të jemi edhe në Evropë sikur kemi filluar dhe njëherësh është në hapa të mirë dhe të sigurt dhe është duke shkuar mirë ky projekt dhe besojmë që do të jemi me një kohë më të zgjeruar, presim një numër më të madh të fuqisë punëtore t’i dërgojmë përmes kompanisë tonë në filialën tjetër në Evropë”, tha Besim Dinolli.

Shtypshkronja ”Star Graf” veprimtarinë e saj në Ferizaj e ka filluar në vitet e 90-ta.

Ferizaj

Në Ferizaj raportohen katër bankënota të dyshuara nga 500 €

Published

2 days ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

2 days ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.