Ferizaj

Përmes mësimit të gjuhës të rinjtë synojnë punësimin në Gjermani

Published

7 years ago

06 January, 2020

Interesimi jashtëzakonisht i madh për të mësuar gjuhën gjermane po i mbush klasat e qendrave për edukim joformal dhe të shkollave private për gjuhë të huaja.

Përveç atyre që kanë dëshirë të mësojnë një gjuhë të re, kjo situatë më së shumti ka të bëjë me të rinjtë të cilët dëshirojnë të shkojnë të punojnë në Gjermani.

Të mbushura sot ishin edhe klasat e kursit “Qendra e Gjuhëve të Huaja”, në Ferizaj, ku drejtuesi i kësaj qendre Armend Bytyqi, thotë se në 3 vitet e fundit është rritur dukshum numri i të rinjve për të mësuar këtë gjuhë.

“Interesimi është bukur i madh, posaçërisht kohëve të fundit ky numër veç sa është rritur dukshëm jo vetëm në qendrën tonë, por edhe në kurset e tjera. Krahas niveleve bazike të cilat nevojiten për bashkim familjarë, në tri vitet e fundit është rritur më shumë numri i atyre që e mësojnë gjuhën për shkollim profesional, vlen të ceket më shumë infermieria, gastronomia, por edhe mjekësia në përgjithësi”, tha Bytyqi.

Bytyqi thotë se më të interesuarit për të mësuar gjuhën gjermane janë të rinjtë e moshës 17 vjeçe.

“Nga viti i fundit nxënësit e shkollave të mesme diku prej moshës 17 vjeçare vërehen më shumë që dëshirojnë të mësojnë gjuhën gjermane, të gjithë këta kryesisht për shkollim në Gjermani, por edhe shumica prej tyre 90% e nxënësve që ndjekin mësimet në gjuhën gjermane paraprakisht e kanë një qëllim apo një ofertë nga Gjermania dhe më pas vazhdojnë të mësojnë gjuhën”, tha Bytyqi.

Një ndër nxënëset që vijon mësimet në këtë qendër është edhe 20 vjeçarja Agnesa Kashatanjeva. Ajo thotë se pasi ta mësoj gjuhën synon që të shkoj në Gjermani për të punuar.

“Unë mendoj me shku në Gjermani për me studiu dhe me punu, jam e interesuar për infermieri edhe këtu e kam kryer infermierinë dhe po besoj që atje mundem me gjetë vetën më mirë se këtu”, tha Kashtanjeva.

Gjermania vazhdon të dallohet si magnet për shumë kosovarë që duan të punojnë në Gjermani, kjo pasi sipas disa të dhënave, nga viti 2007 deri vjet në Gjermani janë krijuar mbi pesë milionë vende të reja pune, numër ky që pritet të rritet edhe në këtë vit veçanërisht në sektorin e shërbimeve në Gjermani, e më së shumti në sektorin e transportit dhe industrisë së ndërtimeve.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

6 days ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

Ferizaj

Në Ferizaj raportohen katër bankënota të dyshuara nga 500 €

Published

3 weeks ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

3 weeks ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG