Ferizaj

Policia e Kosovës fituese e turnirit në volejboll

Published

7 years ago

14 February, 2020

Në kuadër të aktiviteve për festën e 12 vjetorit të Pavarësisë së Kovovës, Drejtoria për Kulturë, Rini dhe Sport në Ferizaj ka organizuar aktivitete kulturore – sportive gjatë ditës së sotme. Njëra ndër to është turniri tradicional në volejboll në mes të përfaqësueseve të instuticioneve lokale ferizajase dhe shpallja e lexuesit të vitit për vitin 2019.

Në aktivitetin sportiv vendin e parë e zuri ekipi i Policisë së Kosovës, vendin e dytë Spitali Rajonal dhe vendin e tretë Qendra Kryesore e Mjekësisë Familjare në Kaçanik. Pjesëmarrëset thanë se ky turnir tradicional është relaksues për to.

“Sot na kanë ftuar në këtë takim komuna e Ferizajt, një ndeshje miqësore që janë duke u mbajtur aktivitetet sportive në kuadër të festës së Pavarësisë, për nder të 17 shkurtit. Është hera e parë për ne që marrim pjesë”, tha Flakrona Gashi, infermiere në QKMF-Kaçanik.

“Është aktivitet tradicional, ne prej se kemi filluar lojën gjithmonë kemi qenë fituese përpos një herë që e kemi lënë do të thotë për diasporën, kështu që është shumë i mirë për ne dhe po besoj që edhe për të gjitha femrat e institucioneve, një ditë të dalim të organizojmë dhe të relaksohemi”, tha Teuta Qalaj-Baralija nga Policia e Ferizajt.

Drejtoresha e Kulturës, e Rinisë dhe e Sportit në Ferizaj, Xhemile Murati-Shabani, tha se kjo lojë ka karakter human për të ndihmuar Jetmir Vehbiun i cili po vuan nga një sëmundje e rëndë.

“Sot dua të bëj hapjen zyrtarisht të aktiviteteve që do të mbahen për të shënuar 12 vjetorin e Pavarësisë së Kosovës dhe pikërisht këtë hapje po e bëjmë me një aktivitet sportiv të organizuar bashkërisht me juve sepse zakonisht jeni përgjigjur pozitivisht në bashkëpunimet tona dhe ajo që e bën më të veçantë këtë aktivitet është padyshim edhe vullneti juaj, bashkëorganizimi juaj për të treguar shpirtin tonë human që e kemi si shqiptarë dhe si gra për të ndihmuar një djalë i cili ka nevojë për ndihmën tonë, është fjala për Jetmir Vehbiun dhe ne jemi sot këtu bashkërisht për ta ndihmuar, urojmë shërim sa më të shpejt për Jetmirin”, tha Xhemile Murati-Shabani.

Ndërkaq, në aktivitetin që u mbajt në biblotekën e qytetit, nga sektori i të rriturve ishte Nexhmedin Haxhiu që u shpërblye si lexuesi i vitit 2019. Ai tha se libri është pasurim i mendjes.

“Normal kur lexon frymëzohesh, më ndryshe e sheh botën, e sheh botën vetëm me shoqëri, me kënaqësi, me vuajtje, leximi të bën më të mirë, të bën më të durueshëm, më cilësor, kjo më shumë për të rinjtë, për ne nuk kemi ku të shkojmë”, tha Nexhmedin Haxhiu.

Gjatë këtij aktiviteti u shpërblyen me mirënjohje edhe lexues të tjerë nga sektori i të rriturve dhe fëmijëve.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

3 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

20 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar