Ferizaj

Faik Grainca edhe sot para gjykatës

Published

6 years ago

14 February, 2020

Edhe sot në Gjykatën Themelore të Ferizajt ka dhënë mbrojtjen i pandehuri Faik Grainca, i akuzuar për flasifikim dhe keqpërdorim të detyrës zyrtare me rastin e hartimit të Planit Zhvillimor Komunal të Ferizajt 2017-2025.

Graincës sot iu parashtruan pyetje nga pala e dëmtuar, që në këtë rast është Imri Haliti, banor i rrugës “Astrit Bytyqi”.

Haliti pyeti Graincën se a ishte ai i cili kishte dhënë leje në vitin 2015 që të nis ndërtimi i lartë në një parcelë në rrugën “Astrit Bytyqi”.

“A është e vërtet se ju në vitin 2015 keni shndërruar si parcelë të vetme në rrugën “Astrit Bytyqi” zona e 8 parcelën 29390 për ndërtim të lartë si parcelë të vetme në rrugën “Astrit Bytyqi”?, pyeti Haliti.

“Unë asnjëherë nuk kam shndërruar asnjë parcelë sepse këtë nuk ma mundëson ligji dhe shndërrimin apo ndryshimin e parcelave mund ta bëj vetëm Kuvendi me vendimin e vet”, u përgjigj Grainca.

Haliti më pas kaloi tek data e nisjes dhe mbylljes së shqyrtimit publik për PZHK-në në vitin 2017, për të cilin Haliti dyshon se ish-drejtori Grainca ka pranuar pas afatit ligjor peticionin e aprovuar të banorëve të rrugës ”Astrit Bytyqi” të dorëzuar nga Arben Kurteshi.

“Datën 25.03 e ka miratuar Kuvendi si datë të mbyllur dhe për atë arsye është ndryshuar data e Arben Kurteshit për me e shti brenda afatit“, tha Haliti.

“Është vendim i Kuvendit aty, aty mund të ketë edhe ndonjë gabim teknik nuk e përjashtoj mundësinë“, tha Grainca.

Faik Graincës dhe të afërmve të tij edhe sot iu pengoi prania e Televizionit Tema që po përcjell seancat gjyqësore, duke e kërcënuar ekipin e Televizionit me fjalë të ndryshme.

Seanca e radhës gjyqësore ndaj ish-drejtorit të Urbanizmit Faik Grainca, u caktua të mbahet më 17 mars.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

15 hours ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

5 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

6 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.