Ferizaj
Breshri shkakton dëme të mëdha në Ferizaj
Shiu dhe breshri që të shtunën përfshinë Ferizajn dhe disa fshatra të tij, ka shkaktuar dëme të mëdha, e sidomos në kulturat bujqësore.
Gegë Zefi nga fshati Bibaj, i cili ka të mbjella një hektarë dredhëza dhe katër hektarë mjedra, thotë se breshri ia ka dëmtuar të gjitha dredhëzat dhe se ato më nuk janë për treg.
“Dëmi është i madh, diku 90% janë të dëmtuara, dredhëzat sidomos, mjedra diçka ka pshtu, por dredhëza jo, pasi e ka prishur frutin edhe lulen e ka copëtu dhe nuk e besoj që mundet me u rikuperu më. Asnjëherë më parë nuk i kam pas më mirë edhe koha e prillit ka qenë shumë e mirë dhe shumë shpresëdhënëse, çdo ditë ka qenë me diell nuk kam pas nevojë me intervenua me pesticide, kanë qenë shumë të mira, por për një ditë shkuan dëm të gjitha. Po presim tani me ardhë me ba vlerësimin nëse ka mundësi me na ndihmu Qeveria apo Drejtoria e Bujqësisë, nëse na ndihmojnë diçka, përndryshe kam fillu me punëtorë me diskutu duhet me ba reduktimin e punëtorëve, i kam 7 punëtorë e kanë pa edhe ata vetë”, tha Zefi.
Ndërsa, kryetari i komunës së Ferizajt Agim Aliu, tha se në bazë të raportimeve nga banorët e zonave të përmbytura dhe vizitave në terren, do të hartohet një raport i evidentimit të saktë të dëmeve që ka shkaktuar stuhia e shiut dhe breshrit në territorin e Ferizajt, për të parë më pas se cilat janë mundësitë për kompensim.
“Një çështje që asnjëherë nuk e kemi bërë mirë ka qenë sigurimi i fondeve në rastet emergjente, janë gjetur shpesh nga Qeveria e Kosovës fonde edhe për projekteve fiktive, por jo edhe për projekte të tilla për kategoritë që dëmtohen më së shumti dhe sigurisht që nëse kësaj radhe ka ndodh në Ferizaj më vonë do të ndodh edhe në komuna të tjera, por Qeveria përfundimisht duhet të krijojë fonde rezervë për situata emergjente, sepse kapacitetet e komunave janë të pamjaftueshme për të menaxhuar situata të tilla në kuptimin e dhënies së dëmshpërblimit për dëmet që shkaktohen. Kompensimet, ne do e shohim me Qeverinë, ne do e bëjmë raportin dhe do shohim se çfarë sjellë raporti mbi dëmet e shkaktuara dhe vlerën e saj dhe mbi bazën e vlerës së dëmit të caktuar ne sigurisht kemi bashkëpunim të mirë me Qeverinë dhe do shohim mundësitë se si të kompensohet një dëm i shkaktuar në këtë rast”, tha Aliu.
I pyetur për krijimin e një sistemi të mbrojtjes kundër breshrit në komunën e Ferizajt, Aliu tha se kjo është kompetencë e Qeverisë së Kosovës.
“Duhet të mendojë Qeveria e Republikës së Kosovës, sepse ne e dimë që më parë ka ekzistuar dhe është kërkesë edhe e jona edhe e qytetarëve që të ketë një sistem të mbrojtjes, unë e mbajë mend si fëmijë që ka qenë në fshatin Lloshkobare dhe në bazë të parashikimeve të meterologëve ka bërë reagimet me kohë dhe sado kudo ka parandaluar stuhitë e tilla, e sidomos të breshrit, por është detyrë qeveritare që përmes Institutit Hidrometeorologjik të krijojë masa të tilla mbrojtëse, sepse po flasim për diçka që nuk është në kompetencë të komunës, ne gjithçka është në kompetencën tonë do të bëjmë veprimet e duhura dhe mua më vjen mirë që kemi menaxhuar situatën mirë dhe dëmet janë të vogla në kuptimin e një stuhie çfare ka qenë”, theksoi Aliu.
Sipas zyrtarëve komunal, breshri i së shtunës dëme më të mëdha ka shkaktuar në fshatrat Koshare, Dremjak, Slivovë, Talinoc, Pojatë, Mirash, Varosh, por edhe nëpër disa fshatra të tjerë. Ndërsa, për dallim prej viteve të kaluara, kësaj radhe në fshatin Tërrn nuk ka pasur vërshime.
-
Kosovë1 week agoArrestohet një person në Ferizaj pasi sulmoi babanë e ish-bashkëshortes
-
Kosovë3 days agoShtesat prej 100 € për pensionistët dhe fëmijët ekzekutohen para festës së Bajramit
-
Ferizaj4 days agoAktakuzë ndaj tre të dyshuarve për mashtrim me kriptovaluta në Ferizaj
-
Ferizaj5 days agoPolicia godet një rrjet të kontrabandës së kafshëve në Ferizaj
-
Ferizaj5 days agoPunëtori që ra nga kulmi i një objekti në Babush u dërgua në QKUK
-
Kosovë7 days agoKosova mëton të themelojë Xhandarmëri
-
Art & Showbiz3 days agoAmbasada e Francës uron regjisoren Blerta Basholli dhe ekipin e filmit “DUA”, për çmimin e fituar në Festivalin e Kanës
-
Njoftime6 days ago
NJOFTIM PËR SHUARJE TË BIZNESIT “TRIDENT BJD L.L.C.”
-
Njoftime3 days agoSiguria juaj fillon me zgjedhjen e duhur të sigurimit