Ferizaj

Mirë se vini në Ferizaj!

Published

8 years ago

09 May, 2018

Imazhi i hyrjeve të qytetit të Ferizajt, dikujt që vjen për herë të parë në këtë qytet, i krijon përshtypje se këtu bëhet fjalë për një vend të mbushur me mbeturina.

Deponia e krijuar në hapësirën tek ura e madhe të lë përshtypje se ndodhesh në ndonjë zonë të thellë malore ku zakonisht krijohen deponitë e tilla, ndërsa hyrja tjetër tek rrethi i rrugës “Vëllezërit Gërvalla”, bari i rritur dhe shtyllat për toke, të japin bindjen se këtu s’ka shkelë kurrë këmbë njeriu. Hiç më mirë nuk duket as hyrja në qytetin e Ferizajt nga zona industriale. Kjo rrugë në të cilën ndodhet ish-Fabrika e Tubave, tani e privatizuar nga Pacollët, kundërmon nga bërlloku, por edhe nga mbetjet e gjësendeve të forta përgjatë rrugës.

Qytetarët e Ferizajt, ankohen se komunarët ferizajas asnjëherë nuk i kanë dhënë prioritet infrastrukturës në hapësirat ku qyteti i Ferizajt i ka hyrjet dhe daljet. Sipas tyre, kjo është pamje e keqe për turistët, por edhe për vetë komunën.

Drejtori i Shërbimeve Publike në Ferizaj Arben Halili e pranon se hyrjet e qytetit janë të lëna pas dore, por thotë se komuna tashmë ka hartuar disa projekte për sinjalizimin e këtyre zonave, por edhe për rregullimin infrastrukturor dhe në veçanti mirëmbajtjen e tyre.

“Jemi duke hartuar një plan operativ konkretisht për vendosjen e shenjave informuese për qytetarë si dhe për orientim në zonën e qytetit. Për shembull do të japim më shumë informacione për qytetarët që vijnë nga Prishtina apo nga një vendbanim tjetër se si të shkojnë në Jezerc, pa hyre fare në qendër. Por kur jemi tek hyrjet e qytetit duhet të dihet se në disa zona përgjegjëse për mirëmbajtje është Ministria e Infrastrukturës, por megjithatë ne do të angazhohemi që edhe ato hyrje të jenë prioritet për ne, se tek e fundit ato japin një pasqyrë për qytetin tonë. Sa për informacion deri më tani ne kemi eliminuar mbi 50 deponi ilegale dhe kështu do të vazhdojmë, por për mirëmbajtjen e hyrjeve të qytetit definitivisht na duhet edhe ndihma e banorëve, ndërsa një hap i mirë drejt kësaj çështje është edhe nënshkrimi i një marrëveshje që kemi bërë me ndërmarrjen ‘’Ambienti’’, e cila do të jetë përgjegjëse për mirëmbajtjen e të gjitha këtyre zonave, në veçanti për hyrjet e daljet e qytetit”, tha Halili.

Sido që të jetë, fjalët e popullit nuk thonë rastësisht se nga dyert e oborrit mund të dihet se çfarë ka brenda.

Ferizaj

Në Ferizaj raportohen katër bankënota të dyshuara nga 500 €

Published

6 days ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

6 days ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

2 weeks ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.