Ferizaj

QKMF e Ferizajt pa insulinë dhe rëntgen

Published

8 years ago

09 May, 2018

Problemet në shëndetësinë ferizajase nuk kanë të ndalur. Edhe më tej në Qendrën Kryesore të Mjekësisë Familjarë në Ferizaj, po vazhdon problemi me furnizim të insulinës. E, ata të cilët po përballen me një gjendje të tillë janë insulinëmarrësit, siç është Sherif Aliu nga fshati Greme, i cili thotë se ka afër 6 muaj që çdo ditë troket në derën e barnatores së QKMF-së për të marrë insulinë, mirëpo në shtëpi kthehet duarthatë.

“Një javë ditë i banë një fyshtë, 9.50 cent e blej një, i çojnë nëpër barnatore i shesin, neve nuk na i binë, dikush nuk ka me i ble, pa të nuk jetohet, që 6 muaj nuk na kanë pru, unë e përdori Novomix, ka tjetër zëvendësim, por pa rekomandim të mjekut, mjeku qeta ma ka dhanë qeta e marrë, për çdo ditë vijmë vesim, por nuk ka, dy herë në ditë e marrë”, tha Aliu.

Ndërsa, në barnatoren e QKMF-së në Ferizaj, fajësojnë Ministrinë e Shëndetësisë që, sipas tyre, nuk po e furnizon mjaftueshëm me insulinë këtë institucion.

“Janë diku 861 pacientë deri më tani me Novomix që është problem i theksuar, në Ferizaj janë 527 pacientë, ndërsa muajin e kaluar jemi furnizu me 290 insulina vetëm me Novomix dhe i bie një përqindje shumë e vogël që na mundemi me ua shpërnda pacientëve dhe kemi ardhur me një shpërndarje proporcionale, momentin që shpërndajmë insulina tek disa pacientë, muajin tjetër kemi me shpërnda tek pacientët e tjerë, edhe është shumë reale që pacientët kanë të drejtë m’u anku, ne e kemi bërë kërkesën, nuk është mungesë e kërkesës, por është vetëm furnizim i Ministrisë, po ashtu vërehet një dukuri që prej Gensulinës kanë kalu tek Novomix, që është insulina e njëjtë, por vetëm që është firmë tjetër, ne kemi në stok Gensulinë, por pacientët nuk e marrin pa rekomandim të mjekut”, tha farmacistja Besa Goga.

Përveç insulinës që pacientët detyrohen ta blejnë nëpër barnatore private, në klinika pritave obligohen të shkojnë edhe ata të cilët kanë nevojë për aparate të rëntgenit, edhe pse në QKMF ekzistojnë dy aparate të tilla, por njëri nga ta ka 9 muaj që është jashtë funksionit, ndërsa tjetri nuk e kryen funksionin e plotë.

“Është në procedurë të blerjes së tubit të ri, pasi tubi i vjetër është i pa riparueshëm dhe është një pjesë që kushton shumë, dhjetëra mijë euro dhe për shkak se është ndërhyrë në mënyrë të paligjshme, dy-tri ekipe janë mundu me përmirësu, por nuk kanë qenë të akredituar, por vetëm ndoshta të vullnetit të mirë dhe për këtë është lënda në organet e hetuesisë, kurse në anën tjetër përmes procedurave për inicimin për blerjen e gypit të ri aktualisht është në procedurë tenderuese, kjo sa i përket rëntgenit manual, kurse sa i përket rëntgenit digjital në Qendrën Emergjente tonën aktualisht nuk ka filma, por janë kryer procedurat e tenderimit dhe vetëm sa nuk kanë ardhur filmat, aktualisht punon me imazhe dhe imazhet i përshkruan specialisti”,tha drejtori i QKMF-së Asllan Bajrami.

Për gjithë këto probleme udhëheqës të këtij institucioni shëndetësor fajin ia hedhin Ministrisë së Shëndetësisë, e cila sipas tyre, ka ndarë 120 mijë euro për një periudhë 6 mujore, ku në kuadër të kësaj shume, ndër të tjera, parashihet edhe blerja e barnave.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

9 hours ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

1 day ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

5 days ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.