Ferizaj

Për 16 muaj, 15 aksidente tek rrethrrotullimi në magjistralen Prishtinë-Shkup

Published

8 years ago

10 May, 2018

Brenda 16 muajve, në rrethrrotullimin që ndodhet në magjistralen Prishtinë – Shkup, tek përfundimi i rrugës “Vëllezërit Gërvalla”, janë shënuar 15 aksidente. Kështu njoftoi zëdhënësi i Policisë Rajonale të Ferizajt, toger Agim Gashi. Ai tha se aksidentet e ndodhura janë kryesisht si pasojë e pakujdesisë së shoferëve.

“Policia në kuadër të patrullimeve ka disa vende që në zhargonin e policisë quhen pika të zeza, prandaj edhe në atë vend patrullat janë më shpesh, për shkak të numrit të aksidenteve që ndodhin. Sa i përket sinjalizimit është kompetencë e Ministrisë së Infrastrukturës, ku ne nuk kemi vërejtur që ka mungesë të tabelave, por mund të them se rastet e aksidenteve janë duke ndodhur për shkak të pakujdesisë, siç është shpejtësia e madhe, alkooli, ndërsa rasti i fundit që ndodhi dje ishte pasi që shoferin e kishte zënë gjumi, por prapë se prapë ne si ekipe policore patrullojmë shpesh në këto vende që thash, ndërsa pavarësisht kësaj aksidentet po ndodhin, madje kryesisht gjatë natës”, u shpreh Gashi.

Taksisti Mejdi Koxha i cili prej vitesh qëndron me veturën e tij afër këtij rrethi, thotë se ky rrethrrotullim paraqet rrezik për shoferët.

“Ky rreth është katastrofal, kriminal. Në këtë rreth çdo mbrëmje ka aksidente, për shembull vijnë veturat prej Prishtine për Shkup as që e shohin se këtu ka rreth, pasi që s’ka as sinjalizim të mjaftueshëm. Pastaj po e shihni si duket, bari i madh e ka mbulu e u bë si stog i sanës. Shkurt e shqip këtu nuk duhet të jetë fare ky rreth, më së miri trafiku ish rregullu me semafora. S’ka zgjidhje tjetër, aksidentet nuk janë duke u ndalur kurrë”, tha Koxha.

Televizioni Tema kërkoi një përgjigje edhe nga komunarët e Ferizajt, mirëpo drejtori i Shërbimeve Publike Arben Halili nuk deshi të flasë për këtë çështje, madje ai nuk lejoi as zyrtarët tjerë komunal që të japin kurrfarë deklarate lidhur me këtë.

Ferizaj

Siguria juaj fillon me zgjedhjen e duhur të sigurimit

Published

2 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.