Ferizaj

Momerandum për hapjen e Qendrës së Inovacionit dhe Ndërmarrësisë në Ferizaj

Published

8 years ago

11 May, 2018

Në ambientet e Universitetit të Shkencave të Aplikuara në Ferizaj, u bë nënshkrimi i memorandumit për hapjen e Qendrës së Inovacionit dhe Ndërmarësisë në këtë qytet. Në këtë ngjarje që morën pjesë zyrtarë të shumtë shtetëror, organizata joqeveritare, studentë e qytetarë të tjerë, u tha se Ferizaj për herë të parë bëhet me Qendër të Inovacionit dhe Ndërmarrësisë dhe që ky është një hap i rëndësishëm në përgatitjen e kuadrove për nevojat e tregut. Kryetari i Ferizajt Agim Aliu, tha se ky projekt do të luaj një rol themelor në jetësimin e politikave zhvillimore ekonomike si dhe u zotua se qeverisja e tij është e vendosur për dhënie të mundësive të barabarta për të gjithë.

”Kjo datë paraqet fillimin e rrugëtimit në kalendarin e investimeve në qeverisjen time dhe gurthemelin e palëkundur të prosperimit tonë ekonomik e shoqëror në nivelin lokal. Ferizaj, është kryeqyteti ekonomik i Republikës së Kosovës, komuna që po njeh ritme të shpejta të zhvillimit të qëndrueshëm dhe siguri të investimeve të rëndësishme publike e private, vendi i mundësisë për të gjithë dhe infrastrukturë të nevojshme për të realizuar idetë kreative e biznesore. Në kohën tonë moderne, botën e mbuluar dhe kontrolluar nga teknologjia , inovacioneve që po zvogëlojnë hendekun në mes njerëzve, shembjes së murit të pakalueshëm dikur të qasjes dhe komunikimit, lehtësimit të përditshmërisë sonë, investimet në këso projekte janë dëshmi e qartë se shoqëria jonë, vendimmarrësit e nivelit qendror e lokal, kanë tashmë një agjendë të qartë investimesh, të vlefshme për të lehtësuar tregun e punës nga pesha e punëkërkuesve të moshës së re dhe zhvillimin tonë të përgjithshëm”, tha Aliu.

Ndërsa, Ministri i Inovacionit dhe Ndërmarrësisë Besim Beqaj, ka thënë se Ferizaj sot po shënon një fillim të ri për të rinjtë e këtij qyteti, që ka një zhvillim të mirë edhe ekonomik.

“Synimi ynë është që studentëve tanë më të mos u japim vetëm mësime teorike, por t’i shndërrojmë ato edhe në mësime praktike. Kjo qendër do të jetë adresa e duhur dhe e saktë për të gjithë ata që kanë ide dhe nevoja biznesore. Qëllimi ynë është që të lidhim studentët me ndërmarrësin, që ta rrisim produktivitetin. Këto janë pikat ku takohem idetë aktivitetet biznesore dhe fuqia punëtore. Ne ndoshta nuk mund t’i mësojmë nxënësit për avancime të larta teknologjike, por na duhet t’i mësojmë ata që të jenë kreativ e human në inovacion dhe kudo tjetër”, tha Beqaj.

Hapja e Qendrës së Inovacionit dhe Ndërmarrësisë do të jetë në funksion edhe të programeve të aplikueshme tashmë nga Universiteti i Shkencave të Aplikuara në Ferizaj.

Ferizaj

Siguria juaj fillon me zgjedhjen e duhur të sigurimit

Published

2 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.