Ferizaj

Në qershor nis projekti i trajtimit të ujërave të zeza në Ferizaj

Published

8 years ago

11 May, 2018

Në qershor të këtij viti në Ferizaj do të filloj projekti për trajtimin e ujërave të zeza, i cili do të kushtoj 25 milionë euro, e që do të financohet kryesisht nga fondet e huaja. Kështu bëri të ditur ministri i Zhvillimit Ekonomik, Valdrin Lluka, gjatë vizitës që i bëri komunës së Ferizajt, ku u prit nga kryetari Agim Aliu.

Ministri Lluka, tha se gjatë takimit me kryetarin Aliu biseduan edhe për rritjen e kapaciteteve energjetike në këtë komunë.

“Biseduam për disa tema me rëndësi, një ndër to është trajtimi i ujërave të zeza për Ferizajn, është diku rreth 25 milion euro që do të kushtoj dhe do të financohet nga fondet e huaja përmes Ministrisë dhe normalisht edhe komunës, po ashtu edhe qeveria. Ne presim që shumë shpejt ky projekt të filloj punën, ne si afate kemi dhënë fundin e qershorit, por mundet edhe më herët, po ashtu me rëndësi është infrastruktura energjetike në vend, sepse nëse dëshirojmë të mbështesim bizneset është me rëndësi të kemi një energji të sigurt dhe stabile në vend dhe u pajtuam po ashtu me kryetarin që të bashkëpunojmë me KEDS-in si dhe me KOST-in, për arsye se duhet të rriten kapacitetet energjetike në Ferizaj për t’i përkrahur këto biznese vendore që i kemi këtu”, tha Lluka.

Ndërsa, kryetari i komunës Agim Aliu, tha se Ferizaj paraqet një qendër të rëndësishme të zhvillimit ekonomik në Kosovë , prandaj duhet ta ketë vëmendjen e duhur.

“Tema që është lënë anash për një kohë të gjatë është çështja e trajtimit të ujërave të zeza dhe projektet e tilla janë zhvilluar në qytete të ndryshme dhe ne u dakorduam që Ministria e Zhvillimit Ekonomik të mbështes projektin që do të bëhet për trajtimin e ujërave të zeza, gjithashtu u dakorduam edhe sa i përket projektit të efiçiencës, ose kursimeve, edhe sigurisht se gjetëm mbështetjen e plotë, po në të njëjtën kohë gjetëm mbështetjen e ministrit për krijimin e kushteve më të mira për të bërit biznes, poashtu edhe u dakorduam që mbi bazën e mundësive buxhetore të kemi mbështetje edhe sa i përket kompanive publike”, tha Aliu.

Në këtë takim u bisedua edhe për fondin e punësimit, i cili është premtim kryesor i Aliut në fushatën zgjedhore, ku u tha se janë duke kërkuar ndihmë edhe nga linjat tjera buxhetore për realizmin e këtij fondi.

Ferizaj

Gjatë qershorit në Ferizaj janë konfiskuar 74 motoçikleta

Published

3 days ago

02 July, 2026

Redaksia

Policia Rajonale e Ferizajt ka bërë të ditur se gjatë muajit qershor ka intensifikuar kontrollet në trafik ndaj drejtuesve të motoçikletave dhe skuterëve.

Si rezultat i këtyre kontrolleve, gjatë kësaj periudhe janë konfiskuar 74 motoçikleta, kryesisht për mungesë të dokumentacionit të rregullt derisa janë shqiptuar edhe 106 gjoba ndaj drejtuesve të motoçikletave, të cilët janë kapur duke qarkulluar në kundërshtim me rregullat dhe ligjet e komunikacionit rrugor.

Numri më i madh i gjobave janë shqiptuar për drejtim të motoçikletës pa patentë shofer, gjithsej 52 gjoba, 46 gjoba për drejtim të motoçikletës pa regjistrim dhe 8 gjoba për kundërvajtje të tjera.

Ferizaj

Prokuroria kërkon paraburgim ndaj të dyshuarës për vrasjen në Ferizaj

Published

5 days ago

29 June, 2026

Redaksia

Prokuroria Themelore në Ferizaj ka kërkuar nga Gjykata Themelore në Ferizaj, caktimin e masës së paraburgimit ndaj të pandehurës A.R., për shkak të dyshimit të veprës penale “Vrasja” sipas Kodit Penal të Republikës së Kosovës.

Sipas kërkesës së Prokurorisë, ekziston dyshimi i bazuar se me datë 28 Qershor 2026, rreth orës 22:40 në Ferizaj, rruga, “Sejdi Sejdiu”, e pandehura ka privuar nga jeta tani të ndjerin F.H., pas një mosmarrëveshje dhe përleshje fizike në mes tyre, me të cilën ka kryer veprën penale “Vrasja”, nga neni 172 të KPRK-së.

Ndërkaq, i dyshuari me iniciale M.B., që ishte ndaluar deri në sqarimin e plotë të rrethanave dhe përfshirjes së tij në rast, me aktvendim të Prokurorit të Shtetit është liruar.

Po ashtu, në këtë rast, lëndime trupore ka pësuar edhe e dyshuara A.R., të cilat dyshohet se i janë shkaktuar nga viktima- tani i ndjeri (F.H.,) për të cilat ka marr trajtim mjekësor në Qendrën Klinike Universitare të Kosovës (QKUK).

Ferizaj

Ndalohen dy persona për vrasjen e 32 vjeçarit në Ferizaj

Published

6 days ago

29 June, 2026

Redaksia

Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.

Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.

“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.

Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).

Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.

Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.