Ferizaj

Ligji për ndërtesat e banimit në bashkëpronësi, i pazbatueshëm në Ferizaj

Published

8 years ago

16 May, 2018

Edhe pse ligji për ndërtesat në bashkëpronësi është miratuar qysh në vitin 2013, në Ferizaj zbatimi i tij lë shumë për të dëshiruar. Në drejtorinë e Urbanizmit zbatimin e këtij ligji e konsiderojnë sfidues, pasi që thonë se para zbatimit të tij komuna duhet të rregulloj shumë çështje të tjera. Madje, sipas drejtorit të Urbanizmit Lulzim Aliut, njëra nga arsyet kryesore pse ky pushtet nuk është marrë fare me këtë çështje është edhe interpretimi i ligjit.

“Një prej telasheve kryesore për ta trajtuar këtë çështje është definimi i të gjitha elementeve të bashkëpronësisë për një objekt. Ekzistojnë dallime në lexim të ligjit si prej ministrisë ashtu edhe tek në drejtori. Telashja kryesore është oborri i objekteve të vjetra, unë ashtu si e lexoj ligjin thuhet se element i bashkëpronësisë është edhe parcela në të cilën është i ndërtuar objekti, sepse është një shpjegim diku se të gjitha elementet edhe aty ku është pjesa e hapësirës për parking, ose pjesa e lojërave të fëmijëve, apo edhe rruga qe të çon drejt asaj ndërtese janë bashkëpronësi, por po them pa i sqaruar të gjitha këto ne s’kemi mundur të marrim asnjë hap në favor të zbatimit të këtij ligji”, tha Aliu.

Një tjetër arsye pse pushtetit nuk po i intereson ta zbatoj këtë ligj, është fakti që sipas të gjitha gjasave brenda një kohe të shkurt, banesat e vjetra në qytet do të shemben, për t’u ndërtuar të rejat me më shumë kate.

“Po them unë kam stagnuar këtu pasi që tre muaj pronarët e të gjitha ndërtesave të vjetra kanë qenë tek unë për të kërkuar sqarim nëse u lejohen ose jo ndërtimet e reja dhe çdo veprim do të jetë më tepër shpenzues sesa zgjidhje, përndryshe nëse këto ndërtesa nuk do të rrënohen gjithsesi qe në duhet ta zbatojmë ligjin, sepse ato po japin pamje të shëmtuar në qytet nga heqja e fasadave dhe vjetërsia e tyre, por sipas të gjitha gjasave në qytet do të kemi veç ndërtime të larta”, tha Aliu.

E, derisa Ferizaj as që ka menduar se si ta zbatoj ligjin për ndërtesat në bashkëpronësi, zbatimi i këtij ligji është çështje shumë prioritare për komunën e Lipjanit. Kryetari i kësaj komune më të vogël se Ferizaj Imri Ahmeti, tregoi se si janë duke e zbatuar këtë ligj në praktikë.

“Është një ndër prioritetet e vendosura në agjendën tonë buxhetore, sepse konsiderojmë se një pjesë e objekteve banesore po provojmë bashkë me disa partnerë të tjerë me një projekt që ka të bëjë fillimisht me efiçiencën e këtyre objekteve, vullneti jonë është që këto objekte t’i restaurojmë në tërësi me qëllim që ato të marrin një pamje tjetër. Paraprakisht kemi hy në agjendën e zgjedhjes së këshillave të banimit që së bashku me pronarët e këtyre ndërtesave kemi zgjedhur këshillat dhe tashmë dihen përgjegjësit e secilës hyrje dhe bashkë me ta kemi adresuar kërkesën në disa fonde siç është Banka Botërore me të cilën kemi një marrëveshje të shkruar për vitet në vijim”, tha Ahmeti.

Ligji për banesat në bashkëpronësi rregullon të drejtat, detyrimet dhe përgjegjësitë e pronarëve të njësive të ndërtesës në lidhje me shfrytëzimin, administrimin dhe mirëmbajtjen e pjesëve, hapësirave dhe pajisjeve të përbashkëta të ndërtesës – bashkëpronësinë në ndërtesë.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

6 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

7 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

1 week ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.