Ferizaj

Murseli: Me uzurpatorët do të veprohet konform ligjit

Published

8 years ago

16 May, 2018

Komuna e Ferizajt ka publikuar një listë me 39 emra të personave të cilët konsiderohen uzurpatorë të pronës komunale. Publikimin e kësaj liste, udhëheqësit komunal thonë se e kanë bërë më qëllim të rritjes së transparencës si përmbushje e premtimit të bërë gjatë fushatës zgjedhore.

“Komuna ka publikuar një listë me disa uzurpatorë për disa zona kadastrale, kjo është bërë me qëllim të sensibilizimit të qytetarëve të Ferizajt dhe vetëdijesimit të tyre që mos të uzurpohet prona komunale, për më tepër kjo listë është bërë si rezultat i transparencës së qeverisë lokale, po ashtu edhe kryetari i komunës Agim Aliu në fushatën elektorale edhe në raportin e 100 ditëshit ka cekur se qeverisja lokale do të jetë transparente ndaj qytetarëve dhe do të bëhet publike lista e uzurpatorëve të komunës së Ferizajt”, tha drejtori i Pronës, Gjeodezisë dhe Kadastrit, Sabri Murseli.

Megjithëse komuna publikoi një listë me 39 emra të uzurpatorëve në zonat kadastrale Dubravë, Fshat i Vjetër, Jezerc, Komogllavë, Nerodime e Ulët, Nikadin, Rahovicë, Rakaj e Slivovë, në fakt numri i uzurpatorëve në Ferizaj shkon në 100. Por, se çka e ka ndërmend të bëj komuna e Ferizajt me këta uzurpatorë, shpjegon drejtori Murseli, duke e pranuar se do të kenë mjaftë shumë telashe.

“Tash do të shohim konform ligjeve në fuqi çka mund të ndërmarrim, janë afatet ligjore që duhet të respektohen tash do të shohim në të ardhmen çka mund të bëjmë për këta uzurpatorë, sipas ligjit u shkon njoftimi për lirim të pronës komunale pas njoftimit lëshohet vendimi ose në mënyrë të dhunshme të bëhet rrënimi ose lirimi i hapësirës në mënyrë vullnetare, ta shohim varet nga vullneti dhe gatishmëria për bashkëpunim të këtyre personave, por ne do të bëjmë përpjekje të shohim, pasi ka raste të ndishme kur e ka të ndërtuar shtëpinë dhe nëse nuk mund të bëj zgjidhje duhet ta kemi parasysh edhe këtë rast, por në aspektin procedural do të kryhen të gjitha procedurat, nëse kërkohet të implementohet një projekt infrastrukturor ose nëse është interesi i përgjithshëm për komunën e Ferizajt, në këto raste do të merren të gjitha masat, në raste të tjera do të jetë parasysh edhe pozita e qytetarëve, por të paktën duhet të përfundojnë procedurat dhe afatet ligjore në mënyrë decidive nuk mund t’i përcaktojmë pasi shkon njoftimi, data e pranimit të njoftimit, pastaj rrjedh afati ligjor, prandaj nuk mund të jap një afat të caktuar kur do të mund të merren veprime’’, tha Murseli.

U bë e ditur se ditëve në vijim do të publikohen edhe pjesë të tjera të listës së uzurpatorëve dhe sipërfaqes së uzurpuar.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

6 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

7 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

1 week ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.