Ferizaj

Familja Wagner nga Zvicra i dhuron Ferizajt një piano

Published

8 years ago

18 May, 2018

Julie Wagner dhe djali i saj Brus Wagner nga Zvicra, po vazhdojnë ta ndihmojnë Ferizajn me instrumente muzikore. Pas disa donacioneve që familja Wagner i dhuroi shkollës së muzikës ‘’Çesk Zadeja’’, sot qytetit të Ferizajt Julie dhe Brus i dhuruan një piano që u vendos në teatrin “Adriana”.

Klarinetisti i Filarmonisë së Kosovës Astrit Mustafa, tha se kjo piano i ka munguar shumë Ferizajt, madje në mungesë të saj janë anuluar shumë koncerte.

“Mungesa e kësaj piano ka bërë që shumë aktivitetet koncertuale me u anulu në qytetin tonë, pikërisht për arsye të mungesës së pianos, mund ta shihini se piano po vendoset në skenën e teatrit, pasi kemi menduar se në të ardhmen do të mendojmë të zhvillojmë aktivitete të ndryshme, pasi unë po mendoj me fillu një festival të muzikës klasike, ku mund të vijnë pianistë me renome ndërkombëtare, të cilët nuk kemi mundur me i ftu në Ferizaj pikërisht për mungesë të pianos”, tha Mustafa.

Mustafa, tha se për këtë piano me Julie Wagner kanë biseduar para shumë viteve.

“Është një dhuratë dhe një befasi shumë e këndshme që më bënë mua të jem shumë i emocionuar, pasi e kemi pritur kaherë, na u është premtuar nga një mike e jona, mike e gjithë Ferizajt, e cila vazhdimisht ka ndihmuar shkollën e muzikës me instrumente të ndryshme, por qëllimi kryesor ka qenë me pas një piano Ferizaj, ajo është pianiste e kolege e jona, ajo ka pyetur pse në Ferizaj nuk mund të ketë aktivitete sikur në Prishtinë, në momentin që i kam thënë se në Ferizaj nuk e kemi mundësi për shkak të mungesës së pianos, ajo e ka marrë mbase detyrim dhe më ka premtu se do të përpiqet të siguroj një piano, ky muhabet ka ndodhur para 6-7 viteve dhe po shihet që ajo ka arrit me sjellë këtë piano për ne”, tha ai.

Mustafa falënderoi edhe pronarin e kompanisë “Eliot Trans”, falë së cilit nga familja Wagner këto donacione po vijnë në Ferizaj.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim