Ferizaj

Mungesë e mjekëve nëpër ambulanta të fshatrave

Published

8 years ago

21 May, 2018

Po bëhet gati tre muaj të mungesës së mjekëve nëpër qendrat e mjekësisë familjare në të paktën tre fshatra të Ferizajt. Në këto zona, pacientët pranojnë vetëm shërbimet e infermierisë.
Një ndër punktet shëndetësore që është duke funksionuar pa mjek është ai në fshatin Varosh.
Banorët e kësaj ane thonë se ata detyrohen të udhëtojnë për shërbime shëndetësore deri në Qendrën Kryesore të Mjeksisë Familjare në Ferizaj, përkundër faktit se në fshatin e tyre ekziston nga një qendër e tillë.
Këta banorë thonë se nuk do t’i përjashtojnë as protestat, nëse në ndërkohë nuk u rikthehet mjeku në fshat.
“Mjekja kryesore tërë verën s’ka qenë, një i afërm i imi një ditë më tha që të dalim në protestë, pasi qendra është por mjek nuk ka, infermireja vjen por mjeku jo, këto po vijnë në punë, por rrinë s’kanë cka bëjnë. Shërbimet nuk janë, duhet me shku në qytet me u kontrollu, atje me shku me i marr injeksionet mandej me ardhë këtu” tha një banor i fshatit Varosh.
Ngjashëm është në Qendrën e Mjeksisë Familjare në fshatin Llojza, ku gravitojnë pacientë nga 5 fshatra të kësaj ane. Edhe këtu mungon mjeku, ndërsa infermieria e cila punon në këtë qendër thotë se ajo i kryen shërbimet që i takojnë, por jo edhe të përshkruajë barna apo injeksione.
“Mjek nuk kemi prej muajit prill, unë shërbiemt e mia i kry me ineksione me lidhje, infuziona. Pacientat së parin shkojnë kontrollohen te mejku në Ferizaj, pastaj ato ineksione që i shkruan mjeku unë i japë këtu, barna nuk më lejohet me dhanë edhe pse i kemi disa por në mungesë të mjekut nuk kemi të drejtë me ju dhanë barna pacientëve”, tha Nadire Rexhepi

Kjo infermiere thotë se aty ka pasur edhe raste emergjente, porse në mungesë të mjekut, ajo nuk ka mundur të intervenojë.
“E kam pasë një rast, një ditë kur një nxënës e ka pru arsimtarja prej shkollës, nxënësi ka qenë parashkollor, e kishte thumbuar një rriqër, edhe unë nuk kam mundur me intervenu se kishte pas filluar të ënjtet, dhe i thashë ta dërgojë në Emërgjencë që të intervenohet sa më shpejtë, që mos të vie deri tek infektimi, po të ishte mjeku këtu nuk do të kishte nevojë me dërgu atje”,tha Rexhepi.

Për këtë situate të krijuar nëpër AMF, drejtori i Qendres Kryesore të Mjekësisë Familjare në Ferizaj, thotë se protestat nuk janë zgjidhje, dhe se ai pret që shumë shpejt të vie deri tek zgjidhja e këtij problemi.
Dr. Bajrami thotë se shumë shpejtë mjekët do të kthehen nëpër punktet shëndetësore.

“Protestat nuk janë rrugë, sepse nuk është që kemi mjek dhe nuk po dojmë të i dërgojmë, por është një mangësi e personelit mjekësor i përnjëhershëm. Tash kemi pasur një konkurs për tre mjek dhe është në përfundim, edhe ashtu jemi në mungesë për shkak të kthimit të kujdestarisë, po ashtu edhe është koha që punëtorët të shfrytëzojnë pushimet vjetore të vitit të kaluar, kështu që është një sfidë. Por, shumë shpejtë mjekët që janë në procedurë të pranimit do të fillojnë punën, dhe po presim dita ditës që ndoshta të përtrihet kontrata me Caritasin, ose të gjindet një formë që të punësohen mjekë”, tha Bajrami.

Sipas drejtuesve të shëndetësisë në Ferizaj, kriza e mjekëve po vazhdon për shkak të mungesës së kontratës me Caritasin e Kosovës, e cila kontratë, nëse nuk vazhdohet, do të shkaktojë në të ardhmen krizë edhe më të thellë në
sektorin e shëndetësisë primare, posaçërisht nëpër zona rurale.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

21 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar