Ferizaj

Vendimi për ndryshimin e lokacionit të spitalit, i paligjshëm

Published

8 years ago

23 May, 2018

Më në fund, përgjigjja e Ministrisë së Mjedisit dhe Planifikimit Hapësinor për legjitimitetin e vendimit për ndërrimin e parcelës së spitalit, i erdhi zyrtarisht edhe komunës së Ferizajt. Megjithëse kjo përgjigje kishte ardhur dje në orët e pasdites, njoftimin për publikun e bëri opozita. Në një konferencë me gazetarë dega e LDK-së në Ferizaj, tregoi se përgjigjen e nivelit qendror që vendimi për ndërrimin e parcelës së spitalit është në kundërshtim me dispozitat ligjore, tashmë e kanë në dorë kryetari i komunës dhe kryesuesja e Kuvendit të Ferizajt.

“Tanimë edhe kryetari Aliu e ka një kopje të refuzimit të vendimeve të paligjshme të seancës së parafundit të Kuvendit të Ferizajt dhe ne përmes kësaj konference dëshirojmë t’i njoftojmë të gjithë qytetarët e këtushëm që puna e ndërtimit të spitalit po e merr orientimin e duhur dhe sigurisht që do të ndërtohet aty ku parashihet edhe me planin zhvillimor komunal, atje afër parkut ‘’Liria’’. Ne po i bëjmë ftesë pushtetit lokal, përkatësisht kryetarit Aliu, që mos të bëj veprime dhe propozime të pamatura për t’i dërguar tek Kuvendi dhe të bëj presion tek anëtarët e partisë së tij, pasi që tashmë disa herë po dëshmohet se ministritë përkatëse po i kthejnë vendimet e pabazuara me ligj”, tha Gëzim Kokollari nga LDK.

Përgjigjen e kthyer nga ministria e konfirmoi edhe kryesuesja e Kuvendit Komunal Kristina Gashi-Bytyqi. Ajo tha se pavarësisht përgjigjes pozitive apo negative, ministritë përkatëse janë vonuar në kthimin e përgjigjes, prandaj Kuvendi nuk e ka në plan ta marrë fare parasysh këtë shkresë të nivelit qendror.

“Ne konsiderojmë se përderisa e kemi edhe rregulloren e Qeverisë së Kosovës e cila thotë se nëse ministria nuk kthen përgjigje brenda 15 ditësh, atëherë konsiderohet ai akt është i plotfuqishëm, prandaj ne si komunë do të bëjmë edhe ankesë në departamentin ligjor për shqyrtim të këtij vendimi që është kthyer me vonesë, do të thotë do ta çojmë në kontest administrativ dhe të shohim se si do të veprohet më tutje. Por, megjithatë nuk jemi të obliguar duke u bazuar në rregulloren që e ceka edhe më herët”, tha Gashi- Bytyqi.

Kryesuesja e Kuvendit Komunal Kristina Gashi Bytyqi, e konsideron padrejtësi që shkresat e ministrisë po bien në dorë të asamblistëve opozitar para se të vijnë zyrtarisht tek komuna dhe Kuvendi. Ndërkaq, kur gazetarët ia rikujtuan se kështu ndodhte edhe kur ajo ishte në opozitë, Gashi-Bytyqi tha se atëherë ishte më ndryshe.

“Unë konsideroj se nuk është e drejtë që një anëtar i Kuvendit ta ketë një shkresë nga ministritë përkatëse para se ato të vijnë në adresë të Kuvendit, por edhe tek kryetari. Unë nuk po e kuptoj ndërhyrjen e disa anëtarëve në ministritë përkatëse. Gjatë mandatit të kaluar ishte pak më ndryshe, është e vërtet që ne i kemi marrë shkresat nga ministria, por pasi që ato kishin ardhur në adresë të Kuvendit dhe kryetarit, ndërkaq ata neve nuk na ofronin ato shkresa duke e mohuar që nuk i kanë “, tha kryesuesja Gashi-Bytyqi.

Derisa pushteti paralajmëron se do të ankohet në instancat më të larta për vendimet e kthyera nga Qeveria e Kosovës, dega e LDK-së në Ferizaj thotë se vendimi i radhës i Kuvendit që nuk do të gjej mbështetje ligjore nga MAPL-ja, është ai për ndërrimin e lokacionit të varrezave të qytetit.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

14 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 day ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar