Ferizaj

QKMF-së i dhurohen dy autoambulanca

Published

8 years ago

26 May, 2018

Dy autoambulanca me pajisje mjekësore i janë dhuruar Qendrës Kryesore të Mjekësisë Familjare në Ferizaj nga Ekipi i Urgjencave të Spitalit “Interlaken, Frutigen dhe Meiringen” nga Berni i Zvicrës.

Drejtori i Ekipit të Urgjencave në këtë spital Martin Hofer, tha se shpreson që këto dy autoambulanca do t’u shërbejnë pacientëve ferizajas.

“Këto autoambulanca dhe pajisje që janë brenda saj do të jenë për popullatën dhe jo për personelin, pasi personeli i përdorë, por popullatës i nevojiten pasi më personel nuk ka dhe pa mjete personeli nuk mund të bëj asgjë dhe ne jemi shumë të kënaqur që kemi pasur mundësi me i sjellë këto autoambulanca”, tha ai.

Iniciatori i këtij donacioni Sami Bajrami, tha se ndihet mirë që ky donacion ka ardhur në Ferizaj pikërisht me iniciativë të tij.

“Kam punu në të njëjtin spital me zotëriun dhe ky zotëri ka ardhur këtu dhe ka kaluar 800 kilometra për me mujt me i sjellë këto autoambulanca që shihen sot këtu, përveç kësaj këtë donacion e kemi sjell me zemër dhe nuk krahasohet as vlera as asgjë”, tha Sami Bajrami.

Këtë donacion e mirëpritën edhe drejtues të shëndetësisë në këtë qytet. Ata vlerësuan se këto autoambulanca kanë qenë tepër të nevojshme për pacientët e këtushëm.

“Sot jemi këtu për të pranuar një donacion nga Zvicra dy autoambulancat më të gjitha pajisjet që i përkasin emergjencës dhe vlera e tyre është e madhe dhe ne falënderojmë mikun tonë zviceran dhe bashkatdhetarin tonë Sami Bajramin që ka bërë që ne sot të pajisemi me këto dy autoambulanca”, tha Besnik Berisha drejtor i DSHMS.

“Do të hyjnë në funksion edhe të një projekti për avancimin e shërbimit emergjent në Ferizaj. Këto ambulanca shumë shpejt do të jenë në terren dhe do të nisen nga një qendër e thirrjes dhe do të mundësojnë që shumë më shpejt të jenë tek pacienti dhe minutat e shpëtimit do të jenë shumë më efiçiente” tha Asllan Bajrami, drejtor i QKMF-së.

Ndërsa, shefi i Autoparkut në QKMF, tha se këto autoambulanca ua lehtësojnë mjaftë shumë punën.

“Me këto autoambulanca na u lehtësohet puna që të jemi më afër aksidenteve e pacientëve dhe me këto kemi bërë avancim më të madh”, tha Agon Zeqiri.

Për këtë donacion është nënshkruar edhe një memorandum bashkëpunimit, i cili parasheh që shpenzimet e transportit të mbulohen nga komuna e Ferizajt.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim