Ferizaj

VV thotë se i ka nënshkrimet për seancë të jashtëzakonshme

Published

8 years ago

30 May, 2018

Lëvizja Vetëvendosje në Ferizaj, ka njoftuar se ka arritur t’i siguroj nënshkrimet e nevojshme për thirrjen e një seance të jashtëzakonshme të Kuvendit Komunal. Vetëvendosje po kërkon interpelancë nga drejtori i Urbanizmit Lulzim Aliu, lidhur me gjendjen e ndërtimeve në Ferizaj, ndërsa idenë e saj, sipas zyrtarëve të VV-së, janë duke e përkrahur edhe një numër i anëtarëve të partive të tjera politike në këtë qytet.

“Ne deri më tani kemi siguruar 13 nënshkrime të këshilltarëve komunal dhe për ta konkretizuar këtë ide na duhet edhe një nënshkrim, ku besoj që e kemi pasi që anëtari i PDK-së Nehat Mustafa na ka premtuar publikisht që nëse ne sigurojmë 13 nënshkrime ai do të jetë anëtari i 14-të që do të nënshkruaj pro thirrjes së seancës së jashtëzakonshme, kështu që besoj se gjatë muajit qershor ne do ta kemi një seancë të jashtëzakonshme dhe drejtori Lulzim Aliu do të na sqaroj në detaje për gjendjen e ndërtimeve në qytet. Ne vlerësojmë që gjendja e ndërtimeve është kaotike dhe ky proces flet që ka shumë shkelje ligjore. Ne nuk po dëshirojmë të gozhdojmë asnjë individ”, tha Ali Halimi nga LVV.

Sipas Halimit, nënshkrues të këtij peticioni nuk janë vetëm anëtarët e opozitës. Ai tha se kjo nismë është mbështetur edhe nga ata që kanë hise në pushtet.

“Kryesisht janë anëtarë të opozitës, por ka edhe të pozitës, për shembull përveç Nehatit ka anëtarë nënshkrues edhe nga Nisma, ndërsa ata që kanë refuzuar janë të AAK-së, ku ne po shpresojmë se disa do të ndërrojnë mendje dhe do të bëhen pro këtij debati, ndërsa anëtarët e LDK-së nuk janë të gjithë ata që kanë nënshkruar, tashmë na kanë mbështetë vetëm disa prej tyre ku ne i falënderojmë për këtë vepër”, tha Halimi.

E, derisa Vetëvendosje po thotë se nga LDK-ja kanë nënshkruar 5 anëtarë, në anën tjetër kryetari i këtij subjekti politik në Ferizaj Muharrem Svarqa, tha se kjo iniciativë e Vetëvendosjes është përkrahur vetëm nga dy anëtarë të LDK-së. Svarqa thotë se nëse Vetëvendosje do të bashkëpunonte në vazhdimësi si opozitë e bashkuar, kjo ide ndoshta do të kishte mbështetje me më shumë vota të LDK-së.

“Me sa unë kam informacione sa i takon kësaj seance të jashtëzakonshme që kërkohet, LDK-ja nuk ka arritur një pajtueshmëri përkundër asaj që ne deri në marrje të qëndrimit kemi informacion që tashmë 2 anëtarë të LDK-së kanë qenë nënshkrues të këtij apeli dhe mendoj që temat e kësaj natyre mund te diskutohen kur edhe diskutohet raporti i punës, por edhe ai i debatit të 100 ditëshit, ku për fat nuk është trajtuar në përmasën e kërkesave që ka opozita. Ne kemi dashtë që të kemi një mundësi për gjetjen e bashkëpunimit për veprimtari të mëtejme në mënyrë që mos të jemi të ndarë se shpeshherë nuk votojmë njëjtë, pra jemi të interesuar të unifikohemi. Unë personalisht nuk do të nënshkruaj, sepse besoj se ka forma të tjera të marrjes së këtij informacioni, kujtoj se interpelanca është më shumë atak ndaj një individi dhe jo zhvillimeve të qeverisjes”, tha Svarqa.

Sido që të jetë, Lëvizja Vetëvendosje në Ferizaj paralajmëroi se edhe ditëve në vijim do të loboj tek anëtarët Kuvendit që të mbledhë sa më shumë nënshkrime për një seancë të jashtëzakonshme, në të cilën drejtori i Urbanizmit Lulzim Aliu do t’iu përgjigjet atyre lidhur me gjendjen aktuale të ndërtimeve në këtë qytet.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

6 days ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

Ferizaj

Në Ferizaj raportohen katër bankënota të dyshuara nga 500 €

Published

3 weeks ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

3 weeks ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG